Болливуд қироли, таниқли актёр Шоҳруҳ Хон 2 ноябрь куни 55 ёшни қарши олди. Шу муносабат билан кўплаб ҳинд актёр ва режиссёрлари актёрни Instagram’даги саҳифаси орқали табриклади. Шоҳруҳ Хоннинг дубайлик мухлислари унга ўзига хос табрик йўллади. Шаҳардаги Бурж Халифа осмонўпар биносида актёрга аталган табрикнома пайдо бўлди. У барча мухлисларига мурожаат қилиб, бундай сюрприз учун миннатдорчилик билдирди. Шунингдек, Шоҳруҳ Хон ўзини ижтимоий тармоқлар орқали табриклаётганларга ҳам ташаккурини билдирди.
Шоҳруҳ Хоннинг исми Бурж Халифада пайдо бўлганида актёрнинг ўзи ҳам Дубайда бўлган. Унинг ушбу шаҳарда ҳам уйи бўлиб, у «Жаннат» деб аталади.
Маълумот учун, Бурж Халифа — Бирлашган Араб Амирликларининг Дубай шаҳрида қурилган. Бино дунёдаги энг баланд қўлда қурилган иншоот деган номни олган. Бурж Халифанинг баландлиги (антеннани ҳисобга олганда 828 метр) 624 метр, яъни 163 қаватдан иборат. Унинг қурилиши 2004 йил 21 сентябрь куни бошланган, 2010 йил 4 январда расман очилиш маросими бўлиб ўтган.
Мавзуга доир:
- Фаолияти давомида 800 млн доллар ишлаб топган Болливуд қироли Шоҳруҳ Хон ҳақида қизиқарли фактлар
- Гўдакликдан Болливуддаги муваффақиятгача: Шоҳруҳ Хоннинг аввал эълон қилинмаган суратлари (фото)
- Болливуд актёрларининг ўзига қуйиб қўйгандек ўхшайдиган қизлари (фото)
- Ҳинд киноси юлдузларининг севимли актёрлари (фото)
Изоҳ (0)