Шотландиялик актёр ва продюсер Шон Коннери 90 ёшида вафот этди. Бу ҳақда унинг оила аъзоларига таяниб, BBC хабар берди.
Шон Коннери умри давомида 70 дан ортиқ фильмларда роль ижро қилган. Жеймс Бонд роли билан машҳурликка эришган Коннери «Жосус 007» ҳақидаги еттита фильмда суратга тушган. Таъкидланишича, сўровлар натижасига кўра, Коннери жосусга оид франшизада Бонд ролини ижро этган энг яхши актёр ҳисобланади.
Шон Коннери иштирокидаги «Қизил октябрь ови», «Индиана Жонс ва сўнгги салиб юриши» ва «Қоя» фильмлари машҳурликка эришган. 1998 йилда Шон Коннери «Дaxлсизлар» драмасида ўйнаган иккинчи пландаги роли учун «Оскар»га лойиқ кўрилган.
Эслатиб ўтамиз, 2018 йилда Жеймс Бонд ҳақидаги учта фильм режиссёри Льюис Гильберт вафот этганди.
Изоҳ (0)