Бугун,

  • USD 11095.31
  • RUB 173.84
  • EUR 10772.44

Тошкентдаги тадбиркорлар газ таъминоти органи ходимларидан 1 ноябрдан бошлаб газ узатилиши ўчириб қўйилиши тўғрисида огоҳлантириш олмоқда. Бу ҳақда пойтахтдаги бир нечта ресторанлар асосчиси (Bella Maman, «Свидальная» ва ҳоказо) Артур Рудомёткин ўзининг Facebook’даги саҳифаси орқали маълум қилган. У энергетика вазири Алишер Султоновнинг 26 октябрдаги 143-сонли буйруғи сурати билан бўлишган.

Фото: UzReport

Фото: UzReport

Унда ёзилишича, 2020—2021 йилларда иқтисодиётни, ижтимоий соҳа объектлари ва уй-жой фондини доимий равишда газ билан таъминлаш мақсадида ижтимоий аҳамиятга эга бўлмаган ҳудудлардаги (ғишт, оҳак, гипс ишлаб чиқарувчилар ва ҳоказо) йирик корхоналарга 1 ноябрдан табиий газ етказиб берилиши тўхтатилади.

Бундан ташқари, 1 ноябрдан бошлаб бир кун ичида табиий газ таъминотидан тўлиқ узилиб, муқобил ёқилғи манбаларига ўтказиладиган чакана истеъмолчилар (қолипли нон ва новвойчилик билан шуғулланадиганлар бундан мустасно) рўйхатини тузиш топширилган.

Фото: Facebook / Артур Рудомёткин

Фото: Facebook / Артур Рудомёткин

«Афтидан, бу тадбиркорлар учун шундай оғир кунда бизнесни қутқаришнинг яна бир чораси бўлса керак. Бу нимани англатади? Узоқ давом этган карантиндан сўнг умумий овқатланиш масканлари сектори ҳозирнинг ўзида барча нуқталарини электр токига мослаштиришни маблағларни қаердан олишни ўйламасдан бошлаши лозимлигини билдиради», — дея изоҳ қолдирган Рудомёткин.

Шунингдек, унинг таъкидлашича, тадбиркорлар фақат электр токида ишладиган янги ошхона технологиялари — плиталар, шкаф ва печларни сотиб олиши керак. Бундан ташқари, уч фазали электр қурилмалари ишлаши учун барча электр қувватини ошириш бўйича лойиҳаларнинг ҳаммасини ўзгартиш зарур.

Артур Рудомёткиннинг ёзишича, йирик ресторан ва кафеларни бирлаштирувчи Рестораторлар гилдиясининг барча аъзолари ушбу буйруқ умумий овқатланиш масканларни қўллаб-қувватлаш тўғрисида яқинда қабул қилинган чораларга қанчалик мос келишини тушунмаяпти.

Шунингдек, рўйхатда Тошкент шаҳри юқори босимли газ қувурларига уланган жами 54 та автомобилларга газ тўлдириш компрессор шохобчалари график асосида ҳар куни соат 19:00 дан 07:00 га қадар табиий газ таъминотидан тўхтатилиши белгиланган.

Газ ишлаб чиқариш ва унинг савдоси қисқарди

Spot’нинг ёзишича, шу йилнинг январь—сентябрь ойларида газ конденсатини ишлаб чиқариш 542,7 минг тоннага қисқарган. Шу билан бирга, табиий ва сунъий газ экспорти ҳам 77,4 фоизга қисқарган.

Октябрь ойида Россиянинг «Газпром» компанияси 2020 йилдан буён камида июнь охирига қадар Ўзбекистондан табиий газ сотиб олмагани маълум бўлганди. Аввалроқ бошқа бир компания — «Лукойл» Ўзбекистонда газ қазиб олишни қисқартирганди.

Иккала ҳолатга ҳам Хитой томонидан талабнинг кам бўлаётгани сабаб бўлган. Шу сабабли «Лукойл» 5 миллиард метр куб газни Ўзбекистоннинг ички бозорига йўналтирган.

Изоҳ
Асосий янгиликлар
Крипто
Ўзбекистон 2022 йилда крипто секторидан бюджетга 300 минг доллардан ортиқ маблағ йиғди
Маҳаллий
“Геосиёсий вазиятнинг салбий таъсири сабабли инфляция даражаси кутганимиздан юқори шаклланди” — Мамаризо Нурмуродов
Маҳаллий
Шавкат Мирзиёев Туркиядаги зилзила муносабати билан Ражаб Тоййиб Эрдўғонга ҳамдардлик йўллади