Урганчда банкдан қарийб 23 минг доллар ўғирлаган 30 ёшли шахс қўлга олинди. Бу ҳақда вилоят ИИБ Тергов бўлимига таяниб, «Kun.uz» хабар берди.
Маълумотларга кўра, 30 октябрь куни соат 10:04 ларда Урганч шаҳар Жиззах кўчасида жойлашган «Тинчлик банк хизматлари» кичик банк биносига келган шахс банк ходимаси хизмат жойида ёлғизлигидан фойдаланиб, унга тан жароҳати етказган ҳолда кассада мавжуд бўлган жами 21 088 АҚШ доллари ва 19 миллион сўм пул маблағини олиб чиқиб кетган.
Банк ходимаси томонидан келиб тушган ташвиш сигналига асосан зудлик билан манзилга етиб келган Миллий гвардия Қўриқлаш хизмати ҳамда ИИБ масъул ходимлари ҳолатни тезкорлик билан ҳолатни ўрганиб, ўғрилик содир қилган шахсни Урганч тумани Чакка шоликор қишлоғидан ашёвий далиллар билан ушлаб, воқеа жойига олиб келган.
Дастлабки суриштирув натижаларига кўра, жиноятга қўл урган шахс Хоразм вилояти Қўшкўпир туманида туғилган, ҳозирда Урганч туманида истиқомат қилувчи 30 ёшли фуқаро М.Э. эканлиги аниқланган ва ҳозирда ҳолат юзасидан вилоят ИИБ Тергов бўлими томонидан суриштирув ишлари олиб борилмоқда.
Эслатиб ўтамиз, 2019 йилда Тергов департаменти Навоийда «Асака банк» иш ўрганувчиси фуқаронинг пластигидан 4,5 миллион сўм ўғирлаганини маълум қилганди. Кейинроқ «Асака банк» гумонланувчининг банкка алоқадорлигини рад этиб чиққан.
Изоҳ (0)