Норматив-ҳуқуқий ҳужжатлар лойиҳалари муҳокамаси портали regulation.gov.uz сайтининг янги версияси ишга тушди, деб ёзмоқда Spot. Бу сайтнинг сўнгги уч йил давомида учинчи марта янгиланиши. Аввалги версияси 2018 йилдан бошлаб ишлаётганди.
Янги версияда сайтнинг дизайни ўзгарган, навигация, мобил версия ва қидирув менюси янгиланган. Лойиҳалар мунозара ҳолатига кўра тўрт тоифага ажратилган: бошланди, давом этмоқда, якунланмоқда ва якунланди.
Сайтдан 5 хил усулда рўйхатдан ўтиш мумкин: OneID, Facebook, Google, ВК ва ОК орқали.
Сўровномалар пайдо бўлди. Масалан, махсус шаклларни тўлдириб, лойиҳанинг коррупциянинг олдини олиш ёки гендер тенглигига эришишга қандай таъсир қилишига фикр билдириш мумкин.
Regulation.gov.uz — идоралар, вазирликлар ва бошқа давлат органлари норматив ҳужжатлар лойиҳаларини жамоатчилик муҳокамасига тақдим этадиган сайт. Баъзан фойдаланувчилар фикри ҳисобга олинади. Хусусан, Иқтисодиёт ва саноат вазирлиги ўтган йили ушбу сайтдаги танқидлардан сўнг ўрта бизнесни ҚҚСдан озод қилиш ғоясидан воз кечганди.
Изоҳ (0)