Тошкентда 74 000 доллар эвазига E-ijro auksion савдоларидан ҳар хил русумдаги автомашиналарни харид қилиб беришни ваъда қилиб, фуқарони алдаб кетган шахс қўлга олинди, дея хабар бермоқда Бош прокуратура матбуот хизматига таяниб «Xabar.uz».
Қайд этилишича, Т.Я. юқори лавозимда ишловчи танишлари орқали E-ijro auksion савдоларидан ҳар хил русумдаги автомашиналарни харид қилиб бериш эвазига фуқаро С.Э.ни 74 000 АҚШ долларига чув туширган.
Ҳолат юзасидан Бош прокуратура ҳузуридаги департаментнинг Яккасарой туман бўлими фуқаро Т.Я.га нисбатан фирибгарлик аломатлари бўйича жиноят иши қўзғатди.
Қўзғатилган жиноят иши бўйича тергов ҳаракатлари олиб борилмоқда.
Аввалроқ Наманганда хориж университетига ўқишга киритиш ва кейинроқ НамДУга «перевод» қилиб бериш эвазига 2000 доллар сўраган докторант, Тошкентдан уй олиб беришни ваъда қилиб, фуқарони 20 минг долларга чув туширган шахс, Наманганда танишининг шахсий видеосини тарқатмаслик эвазига 100 доллар талаб қилган шахс ва Самарқандда талабанинг салкам 127 млн сўм контракт пулини тўлаб беришни ваъда қилиб, унинг 2200 долларини ўзлаштирган фуқаро қўлга олингани ҳақида хабар берилганди.
Изоҳ (0)