АҚШ президенти Дональд Трампнинг Ирландиядаги ва Буюк Британиядаги ҳисоб рақамлари билан бир қаторда Хитой банкларидан бирида ҳисоб варағи бор. Бу ҳақда The New York Times’га таяниб, «РБК» хабар бермоқда.
Нашрнинг таъкидлашича, Хитой банкидаги ҳисоб рақами Трампнинг оммавий молиявий ҳисоботида кўрсатилмаган, чунки у шахсан ўзи учун эмас, балки Trump International Hotels Management учун очилган.
Солиқ ҳисоботларига кўра, компания 2013–2015 йилларда Хитойда 188,5 минг доллар солиқ тўлаган. Шу билан бирга, тегишли маълумотларда банкнинг номи ҳам, маблағ миқдори ҳам кўрсатилмаган.
«Trump International Hotels Management маҳаллий солиқ идорасини очгандан сўнг, Хитойда ўз ҳисоб рақамини очган», – деди Trump Organization ижрочи вице-президенти Алан Гартен NYT нашрига.
Гартеннинг сўзларига кўра, ҳеч қандай операциялар ёки битимлар ҳисоб варағидан ўтмаган, у атиги бир неча минг доллар даромад олган. Ҳисобнинг ўзи очиқ бўлиб қолмоқда, гарчи компаниянинг Хитойдаги ваколатхонаси деярли 2015 йилдан бери ишламаётган бўлса ҳам.
Трампнинг яна иккита чет эл ҳисоб рақамлари Ирландия ва Шотландиядаги гольф майдонлари компанияларига тегишли. Улар ҳар йили миллионлаб доллар даромад бўйича ҳисобот беради.
Мавзуга доир:
- Трамп сайловларда мағлуб бўлса, ҳокимият тинч йўл билан топширилишига ваъда берди
- Трамп COVID-19’га нисбатан иммунитети борлигини айтиб, сайловчиларни ўпиб чиқишга ваъда берди
- Оқ уй томонидан бериладиган ёрдам эвазига 200 дан ортиқ компания Дональд Трампга бир неча миллион доллар тўлагани маълум бўлди
Изоҳ (0)