AQSh prezidenti Donald Trampning Irlandiyadagi va Buyuk Britaniyadagi hisob raqamlari bilan bir qatorda Xitoy banklaridan birida hisob varag‘i bor. Bu haqda The New York Times’ga tayanib, “RBK” xabar bermoqda.
Nashrning ta’kidlashicha, Xitoy bankidagi hisob raqami Trampning ommaviy moliyaviy hisobotida ko‘rsatilmagan, chunki u shaxsan o‘zi uchun emas, balki Trump International Hotels Management uchun ochilgan.
Soliq hisobotlariga ko‘ra, kompaniya 2013–2015 yillarda Xitoyda 188,5 ming dollar soliq to‘lagan. Shu bilan birga, tegishli ma’lumotlarda bankning nomi ham, mablag‘ miqdori ham ko‘rsatilmagan.
“Trump International Hotels Management mahalliy soliq idorasini ochgandan so‘ng, Xitoyda o‘z hisob raqamini ochgan”, – dedi Trump Organization ijrochi vitse-prezidenti Alan Garten NYT nashriga.
Gartenning so‘zlariga ko‘ra, hech qanday operatsiyalar yoki bitimlar hisob varag‘idan o‘tmagan, u atigi bir necha ming dollar daromad olgan. Hisobning o‘zi ochiq bo‘lib qolmoqda, garchi kompaniyaning Xitoydagi vakolatxonasi deyarli 2015-yildan beri ishlamayotgan bo‘lsa ham.
Trampning yana ikkita chet el hisob raqamlari Irlandiya va Shotlandiyadagi golf maydonlari kompaniyalariga tegishli. Ular har yili millionlab dollar daromad bo‘yicha hisobot beradi.
Mavzuga doir:
- Tramp saylovlarda mag‘lub bo‘lsa, hokimiyat tinch yo‘l bilan topshirilishiga va’da berdi
- Tramp COVID-19’ga nisbatan immuniteti borligini aytib, saylovchilarni o‘pib chiqishga va’da berdi
- Oq uy tomonidan beriladigan yordam evaziga 200 dan ortiq kompaniya Donald Trampga bir necha million dollar to‘lagani ma’lum bo‘ldi
Izoh (0)