Сиз-у биз мухлислик қиладиган шоу-бизнес вакиллари ҳам кимларнингдир ашаддий мухлиси. Ҳинд киносаноатининг энг ёрқин юлдузлари ҳисобланган актёр ва актрисаларнинг кумири кимлар экани ҳақида маълумот бериб ўтамиз.
Прити Зинта
Ёқимтой актриса Том Крузни яхши кўради. У «Моҳир мерган» фильмини томоша қилганидан кейин актёрга мухлислик қила бошлаган. 2011 йилда Анил Капурнинг зиёфатида севимли актёр билан учрашгани унинг ҳаётидаги энг бахтли онлардан бири бўлган.
Рани Мукержи
Актриса турмуш ўртоғи Адитяга туйғулари ҳақида лом-лим демаслиги мумкин, аммо Бред Питтни телбаларча яхши кўришини яширмайди.
Катрина Каиф
Актриса «Сумерки»ни томоша қилганидан кейин Роберт Паттинсоннинг мухлисига айланган. У барча қисмларни атиги 4 кунда кўриб тугатган ва агенти орқали актёр била учрашишга ҳаракат қилган. Аммо кумири билан учраша олмаган.
Бипаша Басу
Бипаша севимли актёри Жош Хартнер билан 2011 йилда Рола Жоффенинг фильмида суратга тушган. Шундан кейин улар ўртасида бир гап борлиги ҳақида миш-мишлар тарқалган.
Ранбир Капур
Ранбир актрисалар Жессика Бил ва Холли Беррига мухлислик қилади. Актёр улар ижросидаги фильмларни битта қолдирмай томоша қилади.
Саиф Али Хон
Карина Капур томонидан юраги забт этилганига қарамай актёр Ракел Уэлчни ўзгача яхши кўради. 80 яшар актриса Голливудда ҳали-ҳамон ўз ўрнига эга.
Карина Капур
Бугунги кунда бахтли турмуш кечириб келаётган актрисадан бир вақтлар йигитини кимга алмашиши мумкинлиги ҳақида сўралганда у Леонардо Ди Каприо исмини тилга олган.
Приянка Чопра
Актриса «Сумерки» ва унинг юлдузи Робертни жуда ҳам яхши кўради ва шу билан бирга Жерард Батлерни ҳам келишган деб ҳисоблайди.
Сонам Капур
Сонам турмушга чиқишидан аввал олдинги муносабатлари ҳақида оғиз очмаган бўлиши мумкин, лекин ҳеч қачон Леонардо Ди Каприога бўлган самимий туйғуларини яширмаган.
Шоҳруҳ Хон
Болливуд қироли Шоҳруҳ Хон Анжелина Жолининг мухлиси эканлигини айтади. У бир неча йил аввал «Олтин глобус» тақдирлаш маросимида кумири билан суҳбатлашган.
Изоҳ (0)