DieHard аккумулятор ишлаб чиқарувчилари янги реклама кампаниясига креатив ёндашди: компания DieHard фильмидаги актёрларни («Қаттиқ ёнғоқ») ёллаб, жангари фильмнинг навбатдаги қисмининг трейлери кўринишидаги видеони тақдим этди, деб хабар беради Motor.
DieHard is Back номи остидаги икки дақиқали видеода («Қаттиқ ёнғоқ қайтмоқда») франшизадаги Жон Макклейн вентиляцион шахтада ҳаракатланаётгани ёки автомобилларнинг қувлашаётгани тасвирланган машҳур саҳналар тасвирланган. Ўз ролларига нафақат Уиллис, балки Кларенс Гильярд ва Деворо Уайт ҳам қайтган — биринчиси ёвуз қаҳрамон ролини ўйнаган бўлса, иккинчиси — 1986 йилдаги оригинал кинолентадаги Lincoln Town Car Limousine лимузини ҳайдовчиси.
Роликдаги Town Car лимузини билан Уиллис ўртасидаги боғлиқлик суратга олиш майдончасидан ташқарида ҳам давом этган. Маълумотларга кўра, «Қаттиқ ёнғоқ» фильмидан сўнг, актёр лимузинни шахсий фойдаланиш учун сотиб олган ва 2009 йилда «‘Ой шуласи’ детектив агентлиги» фильмини суратга олиш ишларига ҳайдаб келган.
Брюс Уиллис ижросидаги «Қаттиқ ёнғоқ» фильмининг биринчи қисми 1988 йилда экран юзини кўрган бўлиб, унинг ортидан яна тўртта фильм ишланган: «Қаттиқ ёнғоқ 2» (1990), «Қаттиқ ёнғоқ 3: Қасос» (1995), «Қаттиқ ёнғоқ 4.0» (2007) ва «Қаттиқ ёнғоқ: Ўлиш учун яхши кун» (2013).
Мавзуга доир: Фото: Брюс Уиллис ўзининг 65 ёшини қандай нишонлади?
Изоҳ (0)