Аксарият шоу-бизнес вакиллари роллари муваффақиятли чиқиши учун кўп нарсага, ҳатто вазн йиғишга ҳам тайёр. Лекин қуйидаги актрисалар вазиятдан бошқача чиққан — семиз кўрсатадиган костюм кийган ҳолда рол ижро қилган.
Гвинет Пэлтроу
«Севги — бу кулфат» фильмидаги ижроси учун Гвинет 11 кг костюм кийишига тўғри келган. Актриса тўла кўриниши учун латексли гримдан фойдаланилган.
Анжелика Каширина
Актриса 2014 йилда «Анжелика» деб номланган сериалда суратга тушган. Сюжетга кўра, у қувноқ, меҳрибон аммо 99 кг вазни сабаб ҳаётда турли қийинчиликларга дуч келадиган талаба қиз ролини ижро қилган. Аслида эса семиз қиз ролини ижро этган актрисанинг вазни 50 килодан кўп эмас.
Кортни Кокс
«Дўстлар» сериалнинг сюжетига кўра, Моника исмли қаҳрамон қиз болалигида дўмбоқ бўлади. Шу сабаб Кортни сериалнинг бир неча қисмида дўмбоқ кўрсатадиган кийим-кечаклар кийиши ва грим қилишига тўғри келган.
Эми Адамс
Карьерасининг бошида Эми «Смолвилнинг сирлари» сериали қисмларидан бирида тўладан келган қиз ролини ўйнаган.
Голди Хоун
1992 йилда суратга олинган «Ўлим унга ярашади» фильмида Голди эрининг хиёнатидан кейин руҳий касалликлар шифохонасига ётиб қолган қаҳрамонни гавдалантирган.
Тайра Бэнкс
Модель 2005 йилда ўз шоуларидан бирида тўла инсонлар ўзини қандай ҳис қилишини билиш мақсадида семиз кўрсатадиган костюм кийиб кўрган.
Шэрон Стоун
«Альфа Дог» фильмида Шэрон бир неча дақиқа давомида тўла қаҳрамон образида намоён бўлган.
Мила Кунис
«70–йиллар шоуси» сериалида Мила черникали пирогдан «семириб кетади».
Элисон Ханниган
Элисон семиз қаҳрамонни ижро қилган «Киноучрашув» комедияси актриса арсеналидаги энг муваффақиятсиз роллардан биридир.
Жулия Робертс
«Америка севишганлари» фильмида Жулия эскича кўзойнакли, бувисининг водолазкасини кийиб юрадиган ортиқча вазнли, аммо бахтини учратганидан кейин ўзгарадиган қиз ролини ижро қилган.
Кейли Куоко
«Мен каби семиз бўлиш»да келишган ва чиройли қаҳрамон қизнинг кейинчалик бошқача кўриниши мазкур фильмнинг янада қизиқарли чиқишига сабаб бўлган.
Изоҳ (0)