Michigan shtatidagi Dirborn shahri o‘t o‘chiruvchilari yo‘l-transport hodisasida jabrlanganlarga birinchi yordam ko‘rsatish ko‘nikmalarini mashq qilish vaqtida 770 ot kuchiga ega Ford Mustang Shelby GT500 avtomobilini yo‘q qildi, deb xabar beradi Motor.
Mashg‘ulot davomida qutqaruvchilar avariya oqibatida eshiklari qulflanib qolgan mashina ichidan jarohat olgan yo‘lovchini chiqarib olishi kerak bo‘lgan.
Qutqaruvchilarning ta’kidlashicha, YTH vaqtida tezkor va muvofiqlashtirilgan harakatlarni amalga oshirish uchun har kuni mashg‘ulotlarni real vaziyatlarga yaqinlashtirilgan holda amalga oshirish kerak. Shu sababli o‘t o‘chiruvchilar muntazam haqiqiy transport vositasi ustida mashq o‘tkazishi muhim ahamiyatga ega.
Mashg‘uotlarda foydalanilgan noyob avtomobil — 770 ot kuchiga ega Shelby Mustang GT500 o‘t o‘chirish departamentiga Ford firmasi tomonidan sovg‘a qilingan. Sportkar seriyali avtomobillar prototipi toifasiga kirgani sabab uni sotish yoki yo‘llarda foydalanish mumkin emas. Ishlab chiqaruvchilar odatda prototiplarni yo‘q qiladi, biroq Ford mazkur test nusxasi utilizatsiyaga qadar foyda berishi mumkinligiga qaror qilgan.
O‘tgan hafta amerikalik o‘t o‘chiruvchilar elektromobillarni o‘chirishga tayyor emasliklari yuzasidan shikoyat qilgan. Hozircha elektrokarlarning yonishi keng tarqalgan hodisa emas, biroq ushbu muammo dolzarb tus olsa, avtomobilsozlik kompaniyalari qutqaruvchilarga bu borada ham ko‘mak ko‘rsatsa kerak.
Izoh (0)