«Ювентус» дарвозабони Жанлуижи Буффон Италия чемпионатида тарихий рекорд ўрнатди.
Opta’нинг ёзишича, Жанлуижи Буффон учун «Кротоне»га қарши ўйин А Сериядаги 650-учрашув бўлган. Шу тариқа Буффон бундай натижани қайд этган биринчи футболчига айланган.
Қайд этилишича, Буффоннинг «Кротоне» билан ўйинни бошлаган 10 жамоадошидан 7 нафари Жанлуижи Италия чемпионатида дебют қилганида (1995 йилнинг ноябрь ойи) ҳали туғилмаган бўлган.
Маълумот учун, Буффон фаолиятини «Парма»да бошлаган, 200 йилда эса уни Турин клуби ўз сафига қўшиб олади. 2018 йилнинг 6 июлида ПСЖга ўтади, бироқ бир йилдан сўнг аниқроғи, 2019 йилнинг 6 июлида қадрдон жамоасига қайтади.
Умуман, Буффон фаолиятида 917 учрашув ўтказиб, уларда 766 та гол ўтказиб юборган. 410 учрашувда эса ўз дарвозаси дахлсизлигини сақлаб қола олган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)