Испания чемпионатининг 6-турида «Реал» ўз майдонида «Кадис»га имкониятни бой бериб қўйди (0:1), «Барселона» эса сафарда «Хетафе»га мағлуб бўлди (1:0).
Шу тариқа 20 мавсум ичида илк бор «Реал» ва «Барселона» Ла Лигада бир тур доирасида ҳам мағлубиятга учради, ҳам гол ура олмади.
Сўнгги марта бундай ҳолат 2000/01 йилги мавсумнинг 22-турида рўй берганди, ўшанда мадридликлар «Атлетик»га (0:1), каталонияликлар «Расинг»га (0:4) имкониятни бой бериб қўйганди.
Бундан ташқари, 17 ярим йил ичида биринчи марта «Реал» ва «Барселона» «Эл-Классико» олдидан мағлубиятга учради. Ўшанда «қироллик клуби» «Реал Сосьедад»га (2:4), «кўк-анорранглилар» эса «Депортиво»га (2:4) ютқазганди.
Жамоалар 24 октябрь, шанба куни «Камп Ноу»да тўқнаш келади. «Реал» 5-турдан кейин 10 очко билан турнир жадвалида 1-ўринда бораётган бўлса, «Барселона» (7) 9-поғонадан жой олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)