Bugun,

  • USD 11014.01
  • RUB 191.8
  • EUR 10674.78

Statistika ma’lumotiga qaraganda, istalgan odam xarajatlarining asosiy qismini yegulik va oziq-ovqatlarga ketgan mablag‘ tashkil qiladi. Yulduzlarni-ku gapirmasa ham bo‘laveradi. Ular orasida kim oziq-ovqatga eng ko‘p pul sarflashi haqida ma’lumot berib o‘tamiz.

Jastin Biber

Foto: Woman’s Day

Foto: Woman’s Day

E! News’ning hisob-kitobiga ko‘ra, qo‘shiqchi kinoteatrda tamaddi qilishning o‘ziga taxminan 241 dollar sarflaydi. Uning o‘zi sevimli Meksika fast-food’ining buyurtmasiga shuncha pul sarflashini ma’lum qilgan. Bu hali hammasi emas, Xitoy taomi uchun 10 ming dollar sarflagan vaqti ham bo‘lgan. Unda Jastin do‘stlarini, tovuq kabob va xitoycha usulda pishirilgan lapsha bilan mehmon qilgan.

Merayya Keri

Foto: Getty Images

Foto: Getty Images

Mish-mishlarga qaraganda, xonanda kuniga uch marta Norvegiya lososini iste’mol qiladi. Amerikaning Vanity Fair jurnali Merayya bilan bir necha kunni birga o‘tkazib, uning ratsioniga qancha pul sarflanishini baholashga muvaffaq bo‘lgan. Nonushta, tushlik va kechki ovqat uyda tayyorlanishi hisobiga xonanda uyda tayyorlanadigan taomlari uchun kuniga 30 dollar, yiliga 11 ming dollar sarflashi ma’lum bo‘lgan. Lekin u kechki ovqatni yaxshi restoranlarda tanovul qilishni xush ko‘radi va G‘arbiy Gollivuddagi restoranning sevimli mijozlaridan biri hisoblanadi. U yerda o‘rtacha 200-250 dollar sarflab ovqatlanadi.

Ember Xerd

Foto: Woman’s Day

Foto: Woman’s Day

Emberning yeguliklarga sarflaydigan mablag‘i haqida u tomonidan Jonni Deppga qarshi sudga taqdim qilingan hujjatlar orqali ma’lumotga ega bo‘lingan. Entertainment Tonight’ning ma’lumotiga qaraganda Xerd, oziq-ovqat mahsulotlarini xarid qilishga oyiga 2 ming dollar va ko‘chada ovqatlanishga yana shuncha mablag‘ sarflaydi.

Britni Spirs

Foto: Getty Images

Foto: Getty Images

Bir necha yil avval Britni ko‘chada ovqatlanish uchun oyiga 5 ming dollar sarflagan. Hozir esa asosiy vaqtini uyida o‘tkazadi va mahsulotlar uchun oyiga 4 ming dollar xarajat qiladi.

Beyonse

Foto: Getty Images

Foto: Getty Images

Beyonse to‘g‘ri ovqatlanishga rioya qiladi va parhezshunosiga oyiga 4 ming, oshpaziga esa 7 ming dollar to‘laydi.

Jennifer Eniston

Jennifer oyiga 2700 dollarga mashhur parhezshunosdan taom buyurtma qiladi. 51 yashar bo‘lishiga qaramay qaddi-qomati o‘zgarmagan yulduzga qarab, bu urinishlar bejiz emasligiga amin bo‘lsa bo‘ladi.

Kayli Jenner

Foto: Woman’s Day

Foto: Woman’s Day

Kardashyan-Jennerlar oilasining eng kichik va eng badavlat vakili, kafe va restoranlardan taom buyurtma qilish uchun yiliga 10 ming dollar sarflagan. Bu mablag‘ do‘kon va supermarketlardagi xarid va restoranlardagi ovqatlanishga ketgan pulni o‘z ichiga olmaydi.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)