«Форс шаҳзодаси» фильмида малика Тамина ролини ўйнаган Жемма Артертон ҳаёти қандай кечди?

«Форс шаҳзодаси» фильмидаги Тамина образи билан яхши таниш бўлган Жемма Артертон ҳақида маълумот бериб ўтамиз.

Жемма Артертон машҳурликка қийинчилик билан эришган. Унга ҳеч ким ишонмаганига қарамасдан Артертон ким бўлмоқчи эканини аниқ билган. Актриса 1986 йилда Англияда дунёга келган. Отаси пайвандловчи уста, онаси фаррош бўлган. Қиз қўлида олтинчи бармоқ ва буришган қулоқ билан дунёга келган. 6 ёшида ота-онаси ажрашган актриса мактабда ёмон ўқиган, уни актёрлик маҳорат курсларигина ўзига жалб қила олган.

Қариндошлари жиддий мутахассисликни танлаши керак деб, унинг актрисаликни танлашига қаршилик қилган. У коллежга қабул қилинган, лекин санъат академиясининг грантини қўлга киритганидан кейин коллежни ташлаб кетган. Дипломга эга бўлганида кейин Артертон ўзи ва оиласини қорнини тўйдириш учун дўконда ишлашига тўғри келган. У талабалик вақтида «Мерининг забт этилиши»да роль ижро қилган, аммо машҳур бўлолмаган. 2007 йилда «Синфдошлар» ва «Учовлоннинг парвози»да суратга тушган. «Раҳмдиллик кванти»да кўплаб актрисалар ичидан режиссёр айнан уни танлаб олган. Ушбу роли актрисага машҳурлик олиб келган, аммо у юлдузлик касалига чалинмаган.

«Форс шаҳзодаси» фильмидаги малика Тамина ижроси унинг арсеналидаги энг ёрқин ролларидан бири. Мазкур ижро мухлислар томонидан илиқ қабул қилинган ва фильм катта маблағ олиб келган. Шундан кейин 2013 йилда «Жодугарлар изидан» фильмида роль ижро қилади. Шунга қарамасдан актрисанинг шахсий ҳаётида кўплаб қийинчиликлар кузатилган. Жон Нолан билан муносабати бир йилдан кейин якун топганидан кейин «Раҳмдиллик кванти» фильмидаги дублёрлардан бири билан бахтини синаб кўришга ҳаракат қилади, аммо бу ҳам узоққа бормайди.

Севги борасида омади чопмагани сабаб Жемма депрессияга тушиб қолади — бу унинг кўриниши ва вазнига таъсир этади. Лекин тез орада ўзини қўлга олади. 2012 йилда менежер Стефано Кателли билан турмуш қурган актриса уч йилдан кейин ажрашади.

Айни вақтда Лондондаги уйида яшайдиган Жемма ижод билан шуғулланиб, вақтини дўстлари билан ўтказади. У рақс тушиш, қўшиқ куйлаш ва гитара чалишни яхши кўради. Ижтимоий тармоқлардаги саҳифасида ҳаёти ва суратга олиш жараёнларидаги фотолари билан бўлишиб боради.

Ҳозирги кунда у профессионал муваффақиятлари билан фахрланади, шахсий ҳаёти ҳақида ортиқча бош қотирмайди ва бир куни уни бахтли қиладиган инсонга дуч келишига ишонади.