Америкалик машҳур актриса Энн Хэтэуэй ўзининг қўрқинчли кўриниши билан Роберт Земикснинг «Жодугарлар» номли эртак-фильмида пайдо бўлади. Бу Warner Bros компаниясининг YouTube тармоғига жойлаштирган видеоси орқали маълум бўлди.
Ушбу видеода томошабин жодугарларнинг ҳақиқий қиёфасини кўриши мумкин. Айниқса, Энн Хэтэуэй ижро этган энг олий жодугарнинг даҳшатли табассуми барча томошабинларни ҳайратга солиши шубҳасиз. Шу сабабдан ҳам у экраннинг яна бир машҳур қаҳрамони Жокерга ўхшайди.
«Жодугарлар» – Роальд Далнинг шу номдаги асари бўлиб, у экран учун мослаштирилди.
Фильм-эртакда ёш етим бола ҳақида ҳазиломуз топишмоқ сифатида сирли ва таъсирчан воқеа ҳикоя қилинади. 1967 йилнинг охирида болакай Алабама штатидаги Демополис шаҳрига меҳрибон бувиси билан яшаш учун кетади.
Бола у ерда бир нечта жозибали, аммо аслида ёвуз жодугарлар билан учрашганидан сўнг бувиси ёш қаҳрамонни денгиз бўйидаги курортга олиб боришга қарор қилади. Аммо улар белгиланган жойга етиб келгунга қадар олий жодугар ўзининг ҳийла-найрангини амалга ошириш учун бутун дунё бўйлаб ҳамкасбларининг йиғилиш маросимини ташкил қилади.
Шунингдек, эртак-фильмда Октавия Спенсер, Крис Рок, Стэнли Туччи, Кристин Ченовет, Жазир Бруно ва бошқа маҳоратли актёрлар иштирок этган.
Мавзуга доир:
Изоҳ (0)