Бирлашган Араб Амирликлари Ўзбекистонга COVID-19 га қарши курашиш учун 7 тонна инсонпарварлик ёрдами кўрсатди, деб хабар бермоқда «Дунё» АА.
Ўзбекистоннинг Абу-Дабидаги элчихонаси берган маълумотга кўра, гуманитар юк таркибига ўпкани сунъий шамоллатиш воситалари, кислород концентраторлари, ПЗР-лабораториялари ва экспресс тест-тизимлар ҳамда ёрдамчи тиббий асбоб-ускуналар киритилган.
Тиббий юк Ўзбекистон Соғлиқни сақлаш вазирлиги ҳузуридаги Санитария-эпидемиологик осойишталик агентлигига мамлакатнинг барча ҳудудларига тарқатиш учун топширилади.
БАА Ўзбекистонга COVID-19 тарқалишига қарши курашиш учун мўлжалланган тиббий маҳсулотларни тўртинчи бор тақдим этди. Пандемия бошланганидан буён мамлакатга 51 тонна инсонпарварлик ёрдами етказиб берилди.
Аввалроқ Дубай амирлиги Ўзбекистонга коронавирусга қарши 723 миллион сўмлик дорилар ва тиббий воситалар жўнатгани хабар қилинганди.
Изоҳ (0)