Бугун,

  • USD 11014.01
  • RUB 191.8
  • EUR 10674.78

Бухоро вилоятининг Шофиркор тумани ҳокими Шукрулла Ҳакимов туман республикадаги 33 та «қониқарсиз» ҳудудлардан бири сифатида эътироф этилгани учун, йўл қўйилган хато-камчиликларни тан олиб халқдан, Президентдан узр сўраётган пайтда мудраган масъуллардан бири туманнинг собиқ ҳокими бўлгани очиқланди. Бу ҳақда «Дарё»га туман ҳокимлиги ахборот хизмати раҳбари Завқиддин Зокиров маълум қилди.

Фото: «Дарё»

Фото: «Дарё»

2020 йилнинг 3 октябрь куни «Дарё»да Шофиркон тумани ҳокимлигида халқ депутатлари туман Кенгашининг навбатдаги сессияси бўлиб ўтгани, сессияда ёш ҳоким жон куйдириб, гапираётган пайтда айрим масъулларнинг уйқуни афзал билгани ёритилганди.

Шофиркон туман ҳокимлиги ахборот хизмати раҳбари Завқиддин Зокировга кўра, масъулларнинг мудроқ ҳолатдаги сурати ижтимоий тармоқларда тарқалганидан сўнг туман ҳокими улар билан йиғилиш ўтказган.

«Туман ҳокимининг қишлоқ хўжалиги масалалари бўйича ўринбосари Уйғун Ғаффоровдан (собиқ ҳоким) тушунтириш хати олинди. У ўз тушунтириш хатида туманнинг навбатидаги сессиясидан бир кун олдин зиммасидаги вазифаси, яъни пахта йиғим-терими мавсумини ташкил этишдаги иш кўлами ниҳоятда кўпайганини айтиб, ўша куни умуман ухламаганини билдирган. Чарчоқ ва уйқусизлик эса сессияда мудрашига сабаб бўлган», — дейди Завқиддин Зокиров.

Сессияда мудраган масъуллардан яна бири туман инвестиция ва ташқи савдо бўлими бошлиғи ўринбосари Азамат Ражабов ухламаганини, бош эгиб ёзаётганини билдирган бўлса, ЎзЛиДеП туман Кенгаши раиси Яшин Олимов эса ухламаганини, кўзи юмуқ ҳолда ўтирганини айтган.

Суриштирувларга кўра, сессияда креслога суянганича бемалол мудроққа кетган масъул Ффермер, деҳқон хўжаликлари ва томорқа ер эгалари вилоят Кенгаши маъсули Умид Султонов эканлиги аниқ бўлган.

«Дарё» мухбири ушбу ҳолат бўйича кенгаш раиси Асқар Нозимовдан муносабат сўраганда, у халқ муаммолари ечим талаб қилаётган пайтда ўз ишига ва вазифасига лоқайд қараган масъул ходим Умид Султоновга нисбатан интизомий чора қўлланишини билдирган.

Изоҳ
Асосий янгиликлар