Одатда Xiaomi ҳар олти ойда бир марта смартфонларни янгилаб туришни яхши кўради. Компания 2020 йилнинг февраль ойида Мi 10 флагманини тақдим этган эди, шунинг учун янги маҳсулот ҳақида маълумот бериш вақти келди.
Компания бир вақтнинг ўзида икки қимматбаҳо смартфон ва битта ўрта моделни тақдим қилди. Улар асосий Мi 10Т флагмани, унинг такомиллаштирилган версияси – Мi 10Т Prо ва арзонроқ Мi 10Т Lite каби қурилмаларни намойиш этди.
Икки самртфон – Мi 10Т ва 10Т Pro ҳам бир хил кўринишга эга: шиша қопқоқ, металл рамка ва ён томони эгилмаган текис экран. Смартфонларнинг олдинги моделлардан фарқи шундаки, дисплейдаги тасвирнинг янгиланиш частотаси 144 герцни ташкил этади. Одатда бундай экранлар ўйин смартфонлари деб ҳам аталади.
Шунингдек, модель Full HD+ сифатни қўллаб-қувватловчи 6,67 дюмли диоганал билан IPS-дисплейга эга. Бу AMOLED эмас, шунинг учун смартфондаги бармоқ изи сканери қурилманинг экранига эмас, ўнг қисмига жойлаштирилган.
Камера борасида ҳам янгиликлар йўқ. Оддий Мi 10Т 64 мегапикселли асосий модул, 13 мегапикселли кенг бурчак ва 5 мегапикселли макрога эга. Ми 10Т Pro ҳам худди шундай тўпламга эга бўлиб, асосий фарқи 108 Мп сенсори ва оптик стабилизация қўшилган.
Мi 10Т флагмани линейкаси процессор сифатида «қўшимча» версиясини эмас, Snapdragon 865 ни танлаган. Шунингдек, улардан доимий хотирага эга 6 ёки 8 Гб (LPDDR5) ва 128 ёки 256 Гб (UFS 3.1) дан бирини танлаш мумкин, аммо улар хотира тезлигини тежашга қодир эмас.
Изоҳ (0)