Bugun,

  • USD 10940.05
  • RUB 182.26
  • EUR 11121.65

Vivo kompaniyasi X50, X50 Pro va X50 Pro+ modellari o‘rin olgan X50 smartfonlar lineykasini taqdim etdi. Yangi modellar innovatsion barqarorlashtirgich tizimi va sifatli zumga ega noodatiy kamera datchiklari bilan xaridorni o‘ziga jalb etadi, deb xabar beradi Gsmarena.

Foto: Gsmarena

Foto: Gsmarena

Vivo X50 va X50 Pro’ga 6,56 dyuymli AMOLED displey o‘rnatilgan bo‘lib, u Full HD+ sifatni qo‘llab-quvvatlaydi. Qurilma ichidan Snapdragon 765G protsessor, 8 gigabayt tezkor va 128/256 gigabayt ichki xotira o‘rin olgan. Akkumulyator sig‘imi 4315 mA/soatga teng bo‘lib, Pro versiyasi 33 vattgacha tezkor quvvatlanish funksiyasiga ega (kichik X50’ga 4200 mA/soat batareya o‘rnatilgan).

Foto: Gsmarena

Foto: Gsmarena

X50 Pro’ning asosiy kamerasi 48 megapiksellga teng bo‘lib, Sony IMX598 sensori yordamida videoga olinganda barqarorlashtiruvchi konstruksiya ishga tushadi. Shuningdek, smartfon 8 megapikselli ultra keng o‘lchamli, 50 millimetr fokus oralig‘iga teng 13 megapikselli televik, besh marotabali optik hamda 60 baravargacha yaqinlashtiruvchi raqamli zumli periskopik modulga ega. Frontal kamera esa 32 megapikselni tashkil etadi.

Foto: Gsmarena

Foto: Gsmarena

Kichik X50 modelining asosiy kamerasi biroz oddiyroq — asosiy datchigi Pro’niki bilan bir xil, biroq innovatsion barqarorlashtirgich tizimiga ega emas. Periskopik televik o‘rniga 5 megapikselli makrokamera o‘rnatilgan.

Foto: Gsmarena

Foto: Gsmarena

Vivo X50 Pro+ Snapdragon 865 protsessoriga ega haqiqiy flagmanga aylangan. Qurilmaga 4350 mA/soat sig‘imga ega akkumulyator o‘rnatilgan bo‘lib, 44 vatt tezkor quvvatlanishni qo‘llab-quvvatlaydi.

Foto: Gsmarena

Foto: Gsmarena

Xitoyda yangi lineyka 6-iyundan sotuvga chiqadi. Rasmiy narxlar:

  • Vivo X50 8/128 Gb — 490 dollar;
  • Vivo X50 8/256 Gb — 550 dollar;
  • Vivo X50 Pro 8/128 Gb — 600 dollar;
  • Vivo X50 Pro 8/256 Gb — 660 dollar;
  • Vivo X50 Pro+ 8/128 Gb — 700 dollar;
  • Vivo X50 Pro+ 8/256 Gb — 770 dollar;
  • Vivo X50 Pro+ 12/256 Gb — 840 dollar.

Izoh
Asosiy yangiliklar
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi