Миллионлаб мухлислар қалбидан жой олган, келишган актёр ва санъаткорларнинг қизлари ҳам ташқи кўриниш борасида оталаридан қолишмайди.
Кэтрин Шварценеггер
Арнольд Шварценеггернинг 32 яшар қизи телебошловчилик билан шуғулланади. У бир қанча китоблар муаллифи саналади. Кэтрин актёр Крис Преттга турмушга чиққан ва ҳозирда бир фарзанднинг онаси.
Систин Роуз Сталлоне
Сильвестер Сталлоненинг қизи 22 ёшда ва у моделлик билан шуғулланади. Систен таниқли брендлар учун суратга тушади ва мода чиқишларида иштирок этади. Фаолияти, асосан, моделликдан иборат бўлган Систин 2019 йилда ўзини илк бор актрисаликда синаб кўрган.
Айрис Лоу
Жуд Лоунинг 19 яшар қизи Айрис ҳам моделлик билан шуғулланади. У илк бор 2002 йилда Vogue журнали муқовасида оиласи билан бирга суратга тушган. 2015 йилда Miu Miu учун суратга тушган модель ўша йилнинг ўзида Burberry’нинг юзига айланган. Айни вақтда Айрис 21 яшар клипмейкер Жайрел Робертс билан учрашади.
Лили-Роуз Мелоди Депп
Лили болалигидан ота-онаси изидан кетишни истаган ва 2014 йилда ўзини эпизодик ролда синаб кўрган. 2015 йилда эса «Планетарий» фильмида суратга тушган. Шунингдек, у «Қирол» тарихий драмасида ҳам роль ижро қилган. Бундан ташқари, у мода оламида ҳам кам муваффақият қозонмаган. Карл Лагерфельд томонидан илҳом берувчи таърифи берилган Лили тез-тез журнал муқоваси учун суратга тушиб туради.
Уиллоу Смит
Уилл Смитнинг қизи илк бор «Мен афсонаман» фильмида отаси билан бирга суратга тушган. Шундан кейин бошқа бир неча фильмда роль ижро қилган Уиллоу мусиқа билан ҳам шуғулланади. Унинг арсеналида бир неча хит қўшиқ ва альбомларни учратиш мумкин.
Брук Хоган
Халк Хоганнинг қизи машҳурлигига истеъдоди сабаб бўлган деб айтиб бўлмайди. Унинг овози бўлиши ва ташқи кўриниши ҳам эсда қоларли эканига қарамай, танилишига оилавий ток-шоуда отаси билан бирга иштирок этгани сабаб бўлган.
Румер Уиллис
Брюс Уиллис ва Деми Мурнинг қизи Румер эпизодик роллар ижро қилиши ва ҳаракатига қарамай актрисалик борасида машҳурликка эриша олмаган. Аммо телевидениедаги «Юлдуз билан рақс» лойиҳасидаги иштироки жамоатчилик эътиборидан четда қолмаган.
Эмма Робертс
Жулия Робертснинг жияни ва Эрик Робертснинг қизи экани Эмманинг шоу-бизнесда муваффақиятга эришишига ёрдам берган деса хато бўлмайди. У ижросидаги ҳар бир фильм ва сериал мухлислар ва кинотанқидчилар эътиборидан четда қолмаган. У «Жосуснинг энг яқин дўсти», «Биз Миллерлармиз», «Менинг исмим Майкл» каби фильмларда суратга тушган.
Пэрис Жексон
Майкл Жексоннинг қизи Пэрис актриса ва модель сифатида фаолият олиб боради. Бундан тахминан 5 йил аввал Пэрис Голливудни забт этиш учун қадам ташлаган. У «Ҳайқириқ», «Юлдуз», шунингдек, Шарлиз Терон билан бирга «Хавфли бизнес» фильмида суратга тушган. 2017- йилда Rolling Stone Teen Vogue, Australian Vogue, Harper’s Bazaar, Stellar, Luomo Vogue сингари таниқли журналлар муқовасида сурати чоп этилган Жексон шу йилнинг ўзида Calvin Klein бренди билан шартнома имзолаган.
Изоҳ (0)