Айрим машҳурликка эришган аёллар «Бахтни бошқанинг бахтсизлиги устига қуриб бўлмайди» деган иборани рад этмоқда. Улар ғийбат ва тахминларга қарамасдан, оилали эркакларни йўлдан урди. Бошқаларнинг оилалари бузилиши эвазига ўзларининг бахтли муносабатларини ўрнатди.
Жулия Робертс
Актриса Жулия ва оператор Модер «Мексикалик» фильмининг суратга олиниш жараёнида танишган. Ўша пайтда Модернинг оила қурганига 4 йил тўлганди. Аммо бу актрисани тўхтатолмади, балки овчилик қобилиятини кучайтирди. Ҳаттоки Модернинг рафиқасига ажрашишга розилик бериши учун 100 минг доллар пул таклиф қилди. Эркакнинг қариндошлари актрисанинг бу иши туфайли ундан нафратланди. Жулия эса ҳеч қандай танқидларни эшитишни хоҳламади ва тўйдан кейин хотиржам уй бекаси, ғамхўр онага айланди. Шундан буён 18 йил ўтди ва улар бахтли ҳаёт кечирмоқда.
Мелани Гриффит
Гриффит ва Бандериас 1995 йилда танишган. Улар танишган чоғда иккиси ҳам оилали бўлган. Антонио Бандерас испан актрисаси Ана Леса билан 10 йил давомида яшаб келаётган эди. Гриффит эса хонанда Дон Жонсонга қайта турмушга чиққан эди. Суратга олиш жараёнидаги танишувдан сўнг икки актёр ҳам оиласидан ажралиш учун судга ариза берди ва 18 йилдан буён бир оила бўлиб яшамоқда.
Анжелина Жоли
Уларнинг тарихи барчага таниш. Бред Питт беш йиллик оиласи – Женнифер Энистондан ажралиб, актриса Жолининг тузоғига тушди. «Жаноб Смит ва Смит хоним» фильми суратга олингандан сўнг улар орасида ишқий муносабатлар бошланди. Уларнинг 10 йиллик ҳаётида 6 фарзанддан иборат оила барпо бўлди ва 2016 йил никоҳ тугатилди.
Татьяна Навка
Дмитрий Песков Татьянанинг биринчи турмуш ўртоғи эмас. Унинг биринчи турмуш ўртоғи фигурали учувчи Александр Жулин 14 йиллик рафиқаси Майя Усовани тарк этиб, Навкага уйланган. 2010 йил Навка Жулин билан ажрашганидан сўнг президентнинг матбуот котиби – Дмитрий Песков билан учрашиб юрди. Орадан 4 йил ўтиб, унинг Надя исмли қизи дунёга келди, лекин бу вақт давомида спортчи қиз фарзандининг отаси ҳақидаги маълумотларни ҳеч кимга билдирмади. Уларнинг қизи туғилмасидан икки йил аввал Песков биринчи турмушидан ажради, сабаби 1994 йилдан буён яшаб келаётган Екатерина ҳаммасини билиб қолган эди, уларнинг икки ўғил ва бир қизи бор.
Елизавета Боярская
Боярская ва Максимнинг «Айтмайман» драмаси саҳналаштирилаётган вақтда ишқий муносабатлари бошланди. Шу туфайли Максим бир йилдан буён бир оила бўлиб яшаб келаётган актриса Яна билан ажрашишга қарор қилди. Тез орада Максим ва Елизавета яширинча турмуш қурди, ҳозирда улар Андрей исмли ўғилни тарбия қилмоқда.
Альбина Жанабаева
Хонанда Валерий Меладзе Альбина билан вокалист излаб ташкил этилган кастингда танишганида унинг хотини ва уч қизи бор эди. Тез орада Албина «ВИА Гра»нинг яккахон хонандасига айланди, 2004 йил Меладзедан ўғил фарзанд кўрди. Уларнинг ўзаро муносабатлари оммалашди, кейинчалик матбуотда уларнинг махфий учрашувлари ҳақида кўплаб далиллар эълон қилинди. Шунга қарамай, Меладзе 2014 йилга қадар хонанда билан муносабатларини яшириб юрди ва ўша йили ажрашишга қарор қилди.
Кристина Асмус
Кристина ва Гарлик ўртасида биргина тўсиқ бор эди, у ҳам бўлса Гарликнинг оиласи. Аммо у Кристинани уларни шунчаки биргина қоғоздаги никоҳ боғлаб туришига ишонтирган. Улар бир йил давомида муносабатларини яширишга ҳаракат қилди, лекин Кристинанинг ҳомиладор бўлиши барчасини ойдинлаштириб юборди. Бу, албатта, жанжалга сабаб бўлди. Гарликнинг биринчи турмуш ўртоғи уни хиёнатда айблади ва қонун бўйича курашиб, турмуш ўртоғига тегишли бойликнинг учдан икки қисмига эга чиқди. Кейинчалик Асмус ва Гарлик бахтли яшашга муваффақ бўлди, аммо 2020 йил мухлисларга расман ажрашаётганини эълон қилди.
Изоҳ (0)