Жанубий Кореянинг «Соннам» жамоасида ҳаракат қилаётган Жамшид Искандаров Ўзбекистон терма жамоасининг октябрь ойидаги йиғинига кела олмайдиган бўлди. Бу ҳақда ЎФА матбуот хизмати маълум қилди.
Жамшид Ўзбекистон терма жамоаси йиғинида қатнашадиган бўлса, Жанубий Кореяга қайтгач карантинга олинишига тўғри келади. Бу туфайли футболчи жамоасининг чемпионатдаги ҳал қилувчи ўйинларида қатнаша олмаслиги мумкин. Шу сабаб «Соннам» жамоаси Искандаровни терма жамоа сафига қўйиб юборишни хоҳламаган.
Аввалроқ ФИФА коронавирус пандемияси давридаги вазиятдан келиб чиқиб янги регламент ишлаб чиққан ва унда клубларга ўз ихтиёридаги футболчини терма жамоа сафига қўйиб юбормаслик ҳуқуқи берилганди.
Мавзуга доир: Остон Ўрунов Ўзбекистон терма жамоаси машғулотлари вақтида жароҳат олди ва йиғинни тарк этди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)