Москванинг «Спартак» клуби ярим ҳимоячиси Остон Ўрунов Ўзбекистон терма жамоасини йиғинини тарк этди.
Ўзбекистон футбол ассоциацияси (ЎФА) матбуот хизматининг маълум қилишича, Ўрунов ва «Пахтакор» ҳимоячиси Егор Кримец 5 октябрь кунги машғулотлар вақтида жароҳат олган. Шу сабаб улар терма жамоа йиғинини тарк этган.
Шу тариқа Ўрунов ва Кримец Эрон ва БААга қарши кечадиган ўртоқлик учрашувларида Ўзбекистон терма жамоасига ёрдам бера олмайди.
Эслатиб ўтамиз, Вадим Абрамов шогирдлари 8 октябрь куни Тошкентда Эронга қарши ўйнайди. 12 октябрда эса Дубай шаҳрида БАА терма жамоасига қарши баҳс бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)