Шоу-бизнес вакилларининг қомати ўзгариши ва сезиларли даражада вазн тўплашининг боиси турлича. Кимдир оилавий муаммолар сабаб, кимдир фарзанд дунёга келтирганидан кейин аввалгидек кўринишга эга бўла олмаган.
Бритни Спирс
Бритни ҳаётидаги воқеа-ҳодисалар унинг нафақат психологияси, балки ташқи кўринишига ҳам таъсир қилмай қолмаган. Хонанда тез-тез руҳий даволаш шифохонасига ташриф буюриб туради ва бу бежизга эмас. Бир неча йиллар аввал психотроп дориларга ўрганиб қолгани ва отаси билан ўртасидаги муносабатлар сабаб ижодкор шифокорлардан нажот излайди.
Бу каби муаммолар Бритнининг ортиқча вазн тўплаши ва ўз ёшига нисбатан анча катта кўринишига сабаб бўлган. Бироқ Спирс аввалгидек кўринишга эга бўлмаган тақдирда ҳам, ўз устида ишлаётгани ва бунда унга йигити тренер Сэм Асгари ёрдам бераётганини ижтимоий тармоқлардаги фотоларидан билиш мумкин.
Мэрайя Кэри
Бир неча йил аввал Мэрайянинг бирданига тўлишиб кетгани мухлисларни ҳайрон қолдирган ва кимдир уни ҳомиладор деб гумон қилса, бошқалар унга зудлик билан парҳез тутишни маслаҳат берганди. Аслида аввал ҳам унчалик нозик бўлмаган Кэрининг вазни у вақтда 120 кг бўлган.
2017 йилда Лас-Вегасдаги концертлардан бирида чиқиш қилган Кэрининг кўриниши мухлисларини ҳайратга солган. Тиниб-тинчимас қувноқ хонанда сифатида маълум бўлган Мэрайянинг ортиқча қимирлай олмаслиги ва кулминация вақтида икки раққос қийинчилик билан уни кўтаргани ҳаммани лол қолдирган. Шундан кейин унинг ижтимоий саҳифасига кўплаб изоҳлар ёзиб қолдирилган ва ижодкор уларни инобатга олган ҳолда озишга қарор қилган. Бугун Мэрайя танқидлар нишонида қолиб кетганидан анча озғин ва бу натижага эришиши учун анча тер тўкишига тўғри келган.
Нелли Фуртадо
Неллининг мухлислари унинг ижоди гуллаб-яшнаган вақтда қомати чиройли бўлганини яхши бўлади. Сўнгги вақтларда вазн тўплагани эса хонандани унчалик ташвишга солмайди ва у саҳнада аввалгидек сакраб рақс тушишдан чарчамайди.
Унинг бирданига семириб кетиши сабабини айримлар 2017 йилда турмуш ўртоғи Демассио билан ажрашиши билан боғлиқ, деб ҳисоблайди. Ашаддий мухлислари эса хонанданинг тезроқ ўзини қўлга олиб, аввалги ҳолига қайтишига умид билдиради.
Жессика Симпсон
Жессика биринчи фарзандини дунёга келтирганидан кейин анча вақтгача килолар билан курашишига тўғри келган, лекин иккинчи ва учинчи марта ҳомиладорлиги вақти ва болаларни дунёга келтирганидан кейин ҳам қайта-қайта вазн ташлашига тўғри келган.
Симпсон уч маротаба 22 кг яқин вазн ташлашига тўғри келган аммо туғишидан аввалги ҳолатга қайта олмаган. Шунга қарамай, у аёлларни ҳомиладорликдан кейин ўз танасини севиш ва севимли таомдан бош тортмасликка чақиради.
Кемерон Диаз
Кемерон сўнгги вақтларда суратга тушишдан бош тортиб, кўп вақтини оиласи билан ўтказишга бағишлайди. Папарация нишонидан қочолмаган актрисанинг суратларига қараб, унинг аввалгидан тўлишгани маълум бўлган ва бу фарзандли бўлиш учун гормонал даволаниши билан боғлиқ бўлса керак, деган тахминларга сабабчи бўлган. Агар шундай бўладиган бўлса, Кемероннинг барча уринишлари бесамар бўлмаган, чунки 2020 йил январда узоқ кутилган фарзанд дунёга келган.
Кили Шэй Смит
30 йил аввал қадди-қомати гўзал, мафтункор бўлган Кили, актёр Пирс Броснан билан танишган. Ҳозирги вақтда ҳам мафтункорлик уни тарк этмаган, лекин икки фарзандни дунёга келтирганидан кейин у сезиларли даражада кўп вазн тўплаган. Аммо бу Килини ҳам, унинг турмуш ўртоғини ҳам ташвишга солмайди. Актёр рафиқасининг мингтадан битта экани, уни учратганидан бахтлилиги ва нозиклик инсон учун энг муҳим нарса эмаслигини таъкидлайди. Ортиқча килолар Килининг ўзига бўлган баҳоси ва турмуш ўртоғининг севги ҳамда садоқатига таъсир қила олмайди.
Изоҳ (0)