NASA Халқаро космик станцияга 23 миллион долларлик янги ҳожатхонани етказиб беради

АҚШ миллий космик агентлиги (NASA) Northrop Grumman Cygnus хусусий юк космик кемасини фазога учиради, деб ёзади «Korrespondent.net».

Космик кема халқаро космик станцияга илмий тадқиқотлар учун асбоб-ускуналар, косметика, экипаж аъзолари учун озиқ-овқат ҳамда қиймати 23 миллион долларлик янги космик ҳожатхонани етказиб беради.

Қурилмани расмий равишда «Чиқиндиларни бошқариш универсал тизими» (UWMS) деб аталади.

Маълум бўлишича, у ҳозир Халқаро космик станциясида фойдаланилаётган ҳожатхонадан 65 фоизга кичик ва 40 фоизга енгилроқ ҳисобланади.

У кўп сонли экипажларга мўлжалланган ва микрогравитация шароитида яроқли.

«Қурилма космик ҳожатхонанинг эски модели шаклида титандан ясалган. Бироқ унга нисбатан анча яхшиланган. Масалан, энди фазогир аёлларга унитаздан фойдаланиш қулайроқ бўлади», — NASA вакиллари.

Қайд этилишича, UWMS халқаро космик станцияда бир умрга қолади. Иккинчи ҳожатхонада эса астронавтлар Ойни айланиб чиқиш учун фойдаланадиган Orion капсуласига жўнатилади.