Халқаро космик станциясидаги NASA астронавти Ер сайёрасининг ажойиб сурати билан бўлишди. Сурат АҚШ Аэронавтика ва космик маконни тадқиқ этиш миллий бошқармасининг Instagram саҳифасида пайдо бўлган.
«Уйимиз нақадар ажойиб… Куба, Багам ороллари ва Жанубий Флоридани ўраб турган ҳаво ранг ва ёрқин феруза ранглар бир-бирини жуда яхши тўлдириб турибди», — дейилади сурат остидаги изоҳда.
Ноёб сурат жойлаштирилган пост 1,3 миллиондан ортиқ лайк ва 6,6 минг изоҳ йиғган.
«Сурат кўзимга ёш келишга мажбур қилди. Сайёрамиз ажойиб ва ўйлайманки, биз унинг қадрига етмаяпмиз», «Ер гўзал», «Ажойиб фото», «Уни яксон қилиш керак эмас», «Юқоридан нақадар чиройли! Фарзандимиз ҳақида қайғуришимиз керак», — дейилади изоҳларда.
Аввалроқ NASA томонидан ўтказилган танловда Ернинг энг яхши суратлари аниқланган эди.
Мавзуга доир: Фотогалерея: Ернинг космосдан олинган ажойиб суратлари
Изоҳ (0)