АҚШ аэронавтика ва космик маконни тадқиқ этиш миллий бошқармаси (NASA) Ой бўйича Artemis дастурининг янгиланган режасини тақдим этди. Бу ҳақда идора сайтида маълум қилинган.
Дастурнинг биринчи босқичи — Artemis 1 — 2021 йилга мўлжалланган. Унинг доирасида Space Launch System ракетасига ўрнатилган Orion кемасининг Ой атрофида учувчисиз парвози ва Ерга қайтиши режалаштирилган.
Artemis 2 номли иккинчи босқич 2023 йилга мўлжалланган. Унинг доирасида Ойга бортида экипаж бўлган кема учирилади. Учинчи босқичда эса (Artemis 3) 2024 йилга бориб Ойга қўниш амалга оширилади.
2019 йилнинг сентябрида Lockheed Martin корпорацияси Ойга учириладиган Orion космик кемасини қуриш бўйича шартномани ютиб олган эди. NASA Lockheed Martin’га 2030 йилнинг 30 сентябрига қадар максимум 12 та кема қуриш мажбуриятини юклаган. Artemis 3-5 миссиясидаги дастлабки учта Orion кемаси 2,7 миллиард долларга баҳоланган.
Аввалроқ NASA Ойга элтувчи энг қисқа йўлни патентлагани, аёлларнинг Ой юзасига қачон чиқиши тўғрисида хабар берилганди. Шу йилнинг июль ойида эса NASA ва Япония АҚШнинг Ойни забт этиш борасидаги «Артемида» дастури бўйича ҳамкорликда ишлаш тўғрисидаги келишувни имзолаган.
Изоҳ (0)