NASA ва Америка метеорология агентлиги (NОАА) экспертлари Қуёш швейцариялик астроном Рудольф Вольфнинг назариясига кўра, янги циклга кирганини маълум қилди. Мазкур цикл 11 йил давом этади. Қуёш фаоллиги 2019 йилнинг декабрида бошланган минимумдан сўнг яна кўтарилишни бошлаган дейилади NASA хабарида.
Қуёш фаоллиги улкан миқдоридаги доғлар кўринишида пайдо бўлади — катта магнит майдонлари зонаси — рентген портлашлар ва қуёш тожидан плазмаларнинг отилиши. Олимларнинг аниқлашича, ҳар бир янги циклнинг бошланишида доғлар Қуёш қутбларига яқинроқ жойда пайдо бўлади ва секин-аста экваторга қадар тушиб боради.
Олимларнинг таъкидлашича, мазкур цикл сокин ўтади, чунки 2018 йилдаги кузатишларга кўра Қуёшдаги фаолликларнинг узоқ муддатли тенденцияси пасаяди. Бироқ мутахассислар Ерга муаммо туғдириши мумкин бўлган чақнашлар содир бўлиши мумкинлигини истисно этмайди: ўзни ёмон ҳис қилиш, Ердаги алоқа воситалари ва космик аппаратлар ишидаги узилишлар ва ҳоказо.
«Сўнгги саккиз ой ичида Қуёш фаоллиги секин-аста ортиб борди, бу эса биз 25-Қуёш циклига ўтганимизни билдиради. Ҳисоб-китобларга кўра, унинг кучи худди олдинги — 24-циклники каби бўлади. Қуёшнинг максимал фаоллиги 2025 йилнинг июлида кузатилади, энг юқори кўрсаткич 115 қуёш доғига етади», — дея таъкидлайди мутахассислар.
Аввалроқ GREGOR телескопи Қуёшдаги қора доғларнинг аниқ тасвирини олишга муваффақ бўлгани тўғрисида хабар берилганди.
Изоҳ (0)