PR учун исмидан фойдаланилган Неслиҳан, Нургул Ешилчайнинг янги образи. Турк киноси янгиликлари

Мухлислар қалбидан жой олган турк киносаноати вакиллари ҳаёти ва ижоди билан боғлиқ маълумотларни бериб боришда давом этамиз.

Турк матбуотида Неслиҳан Атагулни Неслижан Тай ҳаётига бағишланган фильмда суратга тушиши ҳақида хабар тарқалганди. Аммо актрисанинг турмуш ўртоғи Кадир Доғулу ушбу лойиҳада иштирок этишига розилик бермагани, аммо продюсер рафиқасининг номидан пиар учун фойдаланганини маълум қилган.

«Янгидан севги» фильмида бирга суратга тушган Ўзге Озпиринжи ва Бурга Гулсай Этилер туманидаги спорт марказидан чиқишда журналистлар саволига жавоб берган. Бурга «Уйғониш: Буюк Салжуқий» сериалида тарихий қаҳрамон образини гавдалантириш унинг учун янгилик эканини таъкидлаган.

Актёр мазкур сериалда рол ижро қилиш учун сочини ўстиришига тўғри келган. Ўзге эса имижини ўзгартирган ва сочини калталатган.

Нургул Ешилчай Balenciaga брендининг янги коллекциясини кийиб, Instagram’га жойлаган сурати мингдан ортиқ like’ларга сабабчи бўлган.

«Эшигимни қоқ» сериалида биргаликда суратга тушаётган Ханде Эрчел ва Керем Бурсиннинг ишқий муносабатда экани ҳақидаги миш-мишлар уларнинг биргаликда тушган суратлари жойланганидан кейин тобора ортиб бормоқда. Керем ва Ханденинг бирга тушган суратига босилган like’лар сони (3 миллиондан кўп) Бурак Ўзчивит ва Фаҳрие Эвженнинг тўй суратидан ҳам ортиб бормоқда.

Ибраҳим Челикколнинг ўғли Али билан бирга тушган сурати ҳам Instagram’да 255 мингдан ортиқ like’га сабабчи бўлган.

Демет Ўздемир иштирокидаги «Туғилган уйинг» сериалидан янги суратлар эълон қилинди.

«Кимсасизлар» сериалининг биринчи қисми тақдим қилинмаганига қарамай, фуқаролар шикояти сабаб RTUK лойиҳа билан боғлиқ текшириш ишларини бошлаб юборди.

«Эшигимни қоқ» сериалини тарк этганига кўп бўлмаган Исмаил Эге Шашмаз севгилисининг қўлини сўради.

«Эшигимни қоқ» сериалига Памир Пекин келиб қўшилди.

Акин Акинозу 22 сентябрда 30 ёшни қаршилади. Шу муносабат билан актёр унга совға қилишни истаган яқинлари ва мухлисларидан «Саратонсиз ҳаёт» ассоциациясига хайрия қилишларини сўради.

«Ёшлигим, эй воҳ!» сериали мухлислари учун ёмон хабар — 5 октябрда эфирга узатилиши кутилаётган 17- қисм сериалнинг финали бўлади. Лойиҳа тўхтатилишига сериалнинг паст рейтинг қайд этгани сабаб бўлган.

Бош ролларда Жансу Дере ва Жанер Жиндорук ижросидаги «Садоқатсиз» фильмининг премьераси 7 октябрда ўтказилиши режалаштирилган.