Бухоро буғулари 10 йилдан сўнг яна Тошкент ҳайвонот боғида пайдо бўлди. Улар Зарафшон миллий боғидан олиб келинган, деб хабар беради пойтахт ҳайвонот боғи маъмуриятига таяниб «Gazeta.uz».
Ромка ва Роза лақабли буғулар июнь ойида олиб келинган, шундан бери улар янги жойга мослашиб, ходимларга ўрганиб қолган.
«Улар жуда уятчан ва одамларга одатланмаган эди, шунинг учун мослашиш суст кечди», – деди ҳайвонот боғи тадқиқотчиси Феруза Мирсолиҳова.
Тадқиқотчининг сўзларига кўра, наслчилик гуруҳини яратиш учун кўпроқ урғочи буғуларни олиб келиш режалаштирилган.
«Буғулар жуда кенг майдонда яшайди. Уларнинг қишки хонаси ҳам бор. Иштаҳалари яхши. Аммо улар ҳали ҳам жуда эҳтиёткор», – дея қўшимча қилди у.
Бухоро буғулари – Ўрта Осиёда тўқай ўрмонларида ва сув ҳавзалари бўйида яшовчи қизил буғуларнинг ноёб турларидан бири. Ушбу ҳайвон Халқаро Қизил китоб ва Ўзбекистон Қизил китобига киритилган. Ҳайвонот боғи маълумотларига кўра, минтақада уларнинг сони сўнгги 20 йил ичида 400 дан 2700 гача ўсган.
Мавзуга доир:
- Видео: Угом-Чотқол миллий табиат боғида ноёб қор қоплони кўриниш берди
- Британияда ҳайвонот боғидаги пингвинлар карантинда зерикиб қолди. Уларга кайфиятини кўтариш учун пуфак чиқарувчи машина совға қилинди (видео)
- Англия ҳайвонот боғидаги сўконғич тўтиқушларни ташриф буюрувчиларга кўрсатиш тақиқланди
Изоҳ (0)