Минскда 23 сентябрь куни Александр Лукашенконинг президентлик махфий инаугурациясига қарши оммавий норозилик акцияси бўлиб ўтди, деб ёзмоқда Meduza. Ҳуқуқ-тартибот ходимлари 200 дан ортиқ одамни кескин равишда ҳибсга олган.
Бу куннинг қаҳрамонларидан бири «Яндекс.Такси» ҳайдовчиси бўлиб, у Минскдаги намойишчига таъқибдан қочишга ёрдам берган. Воқеа акс этган видео Euroradio Telegram каналида эълон қилинган.
Унда бир йигит махсус куч ходимидан қочиб, оқ рангли таксига ўтирган. Шундан сўнг ҳайдовчи газни босиб, рўпарадан келган машина билан тўқнашувни четлаб ўтиб, газонлар орқали бошқа машиналарни айланиб ўтиб қочиб кетганини кўриш мумкин.
Ижтимоий тармоқларда ҳайдовчининг ҳаракатлари қўллаб-қувватланган. Twitter’да Александр Лукашенконинг кенжа ўғли номидан юритиладиган пародияли «Грустний Коленька» профили таксичига шу заҳотиёқ бешта юлдуз қўйган ва транспорт вазири лавозимини берган.
5 звёзд и пост министра транспорта водителю Яндекс такси.
— Грустный Коленька (@sadmikalai) September 23, 2020
Эслатиб ўтамиз 9 август куни ўтказилган Марказий сайлов комиссияси маълумотига кўра, Лукашенко 80,1 фоиз овоз билан сайловда ғолиб деб топилган. 23 сентябрь куни эрталаб Минскдаги Мустақиллик саройида аввалдан эълон қилинмаган инаугурация маросими бўлиб ўтди. Унда Александр Лукашенко Беларусь президенти лавозимини эгаллади. Германия, Словакия, Литва, Латвия ва Эстония Лукашенкони Беларуснинг қонуний президенти деб тан олмади.
Унинг асосий рақобатчиси Светлана Тихановская инаугурация маросимидан кейин видеомурожаат йўллаб, унда ўзини беларус халқининг ягона етакчиси деб атади.
Изоҳ (0)