Нобель фондининг Директорлар кенгаши 2020 йилдан бошлаб Нобель мукофоти миқдорини 1 миллион швед кронасига (тахминан 110 минг АҚШ доллари) оширишга қарор қилди, деб хабар бермоқда «Meduza».
Бундан буён битта соврин миқдори 10 миллион кронани ёки 1,1 миллион АҚШ долларини ташкил қилади.
Нобель фондининг таъкидлашича, сўнгги 8 йил ичида фонднинг умумий капитали муваффақиятли инвестициялар туфайли 3 миллиарддан 4,6 миллиард кронагача ўсган. Шунинг учун мукофот миқдорини ошириш мумкин бўлган.
Маълумот учун, мукофот эгаларини эълон қилиш 5 октябрдан бошланади. Ҳар йили лауреатлар Алфред Нобелнинг туғилган куни – 10 декабрда Стокгольмда тақдирланади. 2020 йилда тақдирлаш маросими коронавирус туфайли ўтказилмаслиги маълум қилинганди.
Изоҳ (0)