Индонезиянинг Ломбок оролида икки ўспирин танишганидан тўрт кун ўтиб турмуш қуришига тўғри келди. Бунга уларнинг сайрда узоқроқ вақт қолиб кетгани сабаб бўлган, деб ёзади Esquire.
Таъкидланишига қараганда, 12 ёш қиз ва 15 ёш йигитнинг турмуш қуришига қизнинг ота-онаси сабабчи бўлган. Улар ёшлар қош қорайганида кўришса турмуш қуриши кераклигини айтиб, урф-одатга амал қилишни талаб қилган. Йигит қизни сайрдан маҳаллий вақт билан кечки 7 яримда уйига кузатиб қўйган бўлган.
Ёшлар яшайдиган қишлоқ раҳбари, Индонезия диний ишлар бошқармаси ва йигитнинг оиласи уларнинг турмуш қуришига қаршилик қилган. Шунга қарамай, тўй бўлиб ўтган ва ёшлар қизнинг оиласи билан бирга яшамоқда, дейилади хабарда.
https://youtu.be/Fu-zqX36dzU
Эслатиб ўтамиз, Индонезияда қизлар учун турмуш қуриш ёши 16 дан 19 га ўзгартирилганига қарамай, аксари ота-оналар маҳаллий урф-одатларга амал қилиб қизларини эрта турмушга беришда давом этади.
Изоҳ (0)