Пандемия сабаб юзага келган инқироз давлат банклари ва корхоналаридаги ислоҳотларни, хусусан, уларда бошарувни яхшилаш, шунингдек, қишлоқ хўжалиги секторини тўхтатиб қўймаслиги керак. Бу ҳақда Халқаро валюта жамғармаси экспертлар гуруҳинг Ўзбекистонга амалга оширган виртуал ташрифи якуни бўйича тақдим этилган пресс-релизида сўз боради.
Иқтисодий ўсиш секинлашганига қарамай, экспертлар 2020 йилда у ижобий бўлишини тахмин қилмоқда, 2021 йилда эса у инқироз сусайиши билан тезлашади.
ХБЖ мутахассисларининг фикрича, ҳукумат янада кучли ва барқарор иқтисодиётга ҳамда яшаш даражасини оширишга эришиш учун ислоҳотларни давом эттириши керак.
«Ҳукумат пандемия оқибатларни юмшатиш бўйича чораларни қабул қилиб, тезда ва кескин ҳаракат қилди. Бунинг ичига чеклов чоралари, инсонлар ҳаёти ҳимоялашга мўлжалланган чоралар, шунингдек, инқироз аввалида яратилган Инқирозга қарши курашиш жамғармаси киради», — дейди мутахассислар.
Мутахассисларнинг тахминича, солиқ-бюджет рағбатлантириш чораларини ҳисобга олган ҳолда ва фаолиятнинг пасайгани сабабли солиқ тушумларининг йўқолиши билан биргаликда консолидация қилинган бюджет камомади 2019 йилдаги ЯИМнинг 2,5 фоизидан бу йилги ЯИМнинг деярли 6 фоизигача ортади. Хақаро молиявий кўмак, жумладан, ХВЖ ва Жаҳон банкининг ёрдами инқироз натижасида юзага келган молиявий эҳтиёжларни қоплашга ёрдам беради.
Таъкидланишича, мамлакатда инфляция ҳамон олдингидек юқори ва 11 фоиздан ортиқни ташкил этмоқда. Нисбатан қаттиқ пул-кредит сиёсати сабаб унинг пасайиши кутилмоқда.
Бундан ташқари, экспертларнинг фикрига кўра, иқтисодий тикланишнинг ноаниқлиги ва беқарорлиги шароитида, шунингдек, давлат қарзи нисбатан мўътадил бўлиб қолаётганини ҳисобга олган ҳолда, 2021 йилда фиксал қўллаб-қувватловни, шу жумладан, заиф уй хўжаликларини қўллаб-қувватлашни таъминлаш муҳим аҳамиятга эга.
«Шу билан бирга, Марказий банкнинг саъй-ҳаракатлари инфляцияни янада пасайтириш ва молиявий барқарорликни таъминлашга йўналтирилган бўлиши керак. Инқироз тугаши билан расмий органлар давлатнинг иқтисодиётдаги ролини камайтириши, бозорларни очиш ва рақобатни кучайтириш ва ишбилармонлик муҳитини яхшилашда давом этиши керак», — дейилади ХВЖ хулосасида.
Эслатиб ўтамиз, Ўзбекистон пандемия вақтида Жаҳон банки, Осиё тараққиёт банки ва Халқаро валюта жамғармасидан коронавирусга қарши курашиш учун 1 миллиард доллардан ортиқ кредит олган.
Изоҳ (0)