Монополияга қарши кураш қўмитаси интеллектуал мулк ҳуқуқларини бузган тадбиркорлик субъектлари рўйхатини эълон қилди

Монополияга қарши кураш қўмитаси 2020 йилда интеллектуал мулк ҳуқуқларини бузган 30 та тадбиркорлик субъектларининг рўйхатини эълон қилди. Қонунбузарлар Snickers, Mars, Zebra, Hydrolife, Kanefron ва бошқа брендларнинг кўринишига тақлид қилган.

Маълум қилинишича, рўйхатда Рақобат тўғрисидаги қонуннинг 13-моддасини (инсофсиз рақобатни тақиқлаш) бузган 30 та ишлаб чиқарувчи мавжуд. Рўйхатда келтирилган тадбиркорлик субъектлари маҳсулотнинг ташқи дизайни, шакли, номи, маркировкаси, ёрлиғи, қадоқланиши, ранг схемаси, савдо белгиси, реклама материалларини нусхалаш ёки (рақиб) компаниянинг маҳсулотини индивидуализация қиладиган бошқа элементларни такрорлаш орқали маҳсулотга тақлид қилган компаниялар келтириб ўтилган.

Қонунга мувофиқ, маҳсулотига тақлид қилинган брендлар қаторига Snickers ва Mars шоколад барлари, «Шедроe лето» маргарини, Ўзбекистондан қуритилган меваларни сотадиган Garden Cells, Colgate тиш пастаси, Zebra ширинликлари, Kanferon, Ampisul, Colostrum, Фестал , Hydrolife, Family минерал сувлари, Akfa Plast ва бошқалар қайд этилган.

Рақобат тўғрисидаги қонун бузилган тақдирда, Монополияга қарши қўмита рақобат тўғрисидаги қонунни бузиш фактини аниқлаш ва тегишли қонуний чоралар кўриш, шунингдек, қонунни бузган тадбиркорга нисбатан иш юритишни тугатиш тўғрисида қарор қабул қилиши мумкин.

Рақобат тўғрисидаги қонунни бузганлик тўғрисидаги ишларни қўзғатиш ва кўриб чиқиш учун асослар монополияга қарши органнинг ўз текширувлари ва тадқиқотлари материаллари, юридик ва жисмоний шахсларнинг, давлат органлари, маҳаллий давлат ҳокимияти органларининг баёнотлари ва тегишли органларнинг тақдимномалари ҳисобланади.

Аввалроқ қўмита томонидан Ўзбекистонда дорилар танқислиги ва нархи оширилгани юзасидан 3000 дан ортиқ дорихоналарга огоҳлантириш берилгани маълум қилинганди.