Ўзбекистон 2020 йил 1 сентябрь ҳолатига кўра қиймати 336,7 миллион долларга тенг тайёр кийим-кечак маҳсулотларини экспорт қилди.
Давлат статистика қўмитаси матбуот хизмати раҳбари Усмон Абдурасуловнинг маълум қилишича, бу йил 32 та давлатга тайёр кийим-кечак маҳсулотларини экспорт қилган Ўзбекистон 2019 йилнинг 8 ойига нисбатан экспорт ҳажмини 89,1 миллион долларга оширган.
Ўтган саккиз ой мобайнида экспорт қилинган тайёр кийим-кечак маҳсулотларининг энг катта улуши Россия (178,3 миллион), Қирғизистон (120,9 миллион) ва 12,3 миллион доллар билан Қозоғистон ҳиссасига тўғри келган.
Қайд этилишича, экспорт қилинган тайёр кийим-кечак маҳсулотининг энг кўп улуши Андижон (90,2), Тошкент (70,5), Наманган вилоятлари (49,8) ва 39,7 миллион доллар билан Тошкент шаҳри ҳиссасига тўғри келган.
Изоҳ (0)