Бугун,

  • USD 11095.31
  • RUB 173.84
  • EUR 10772.44

Фарғона вилоятидаги умумтаълим мактабларининг 89 нафар ходимида коронавирус аниқланган. Бу ҳақда 21 сентябрь куни вилоят Санитария-эпидемиологик осойишталик маркази матбуот котибига таяниб, «Kun.uz» хабар берди.

Фото: «Дарё»

Фото: «Дарё»

Маълум қилинишича, 17 сентябрь ҳолатига кўра, вилоятда коронавирус таҳлилига жами 947 та мактабдан 51 620 нафар ўқитувчи ва бошқа ходимлар жалб этилган бўлиб, шундан 44 475 нафар ўқитувчи ҳамда 7145 нафар бошқа техник ходимлардан таҳлил олинган.

«Натижада 89 нафар ўқитувчи ҳамда ишчи ходимларидан мусбат ҳолати аниқланган. Ҳозирда уларга шифокорлар томонидан белгиланган стандартлар бўйича даво чоралари олиб борилмоқда. Вилоятда таҳлил олиш жараёнлари давом этмоқда», – дейилади СЭОМ маълумотномасида.

Соғлиқни сақлаш вазирлигининг 21 сентябрь соат 23:30 гача бўлган маълумотига асосан, Фарғона вилоятида сентябрь ойида 14 кунда янги касалланганлар рўйхатга олинган. Ой давомида Фарғонада коронавирусга чалинганлар сони 51 кишига кўпайган. Фарғонадаги жами касалланганлар сони 379 нафарни ташкил этмоқда. Бу Ўзбекистон бўйича коронавирусга чалинганларнинг 0,72 фоизига тенг.

Эслатиб ўтамиз, ўтган ҳафта Қашқадарё вилоятидаги мактабларнинг 855 нафар ўқитувчисида коронавирус аниқлангани ҳақида хабар қилингач, ССВ ундай эмаслиги, 855 нафар ходим коронавирусга гумон қилинганини билдириб баёнот берганди. Шунингдек, Бухоро вилоят халқ таълими бошқармаси бошлиғи Дилфуза Мустафоева вилоятда 239 нафар ўқитувчи коронавирусга чалинганини маълум қилганди. Вилоят ҳокими ўринбосари Мирали Ҳамроев эса бу хабарни рад этган.

Изоҳ
Асосий янгиликлар
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда
Маҳаллий
Ўзбекистонда газ заправкалар қайта очилиши кутилмоқда
Дунё
Россия Беларусга янги ҳарбий қисмлар жойлаштирди — Украина чегара хизмати