Farg‘ona viloyatidagi umumta’lim maktablarining 89 nafar xodimida koronavirus aniqlangan. Bu haqda 21-sentabr kuni viloyat Sanitariya-epidemiologik osoyishtalik markazi matbuot kotibiga tayanib, “Kun.uz” xabar berdi.
Ma’lum qilinishicha, 17-sentabr holatiga ko‘ra, viloyatda koronavirus tahliliga jami 947 ta maktabdan 51 620 nafar o‘qituvchi va boshqa xodimlar jalb etilgan bo‘lib, shundan 44 475 nafar o‘qituvchi hamda 7145 nafar boshqa texnik xodimlardan tahlil olingan.
“Natijada 89 nafar o‘qituvchi hamda ishchi xodimlaridan musbat holati aniqlangan. Hozirda ularga shifokorlar tomonidan belgilangan standartlar bo‘yicha davo choralari olib borilmoqda. Viloyatda tahlil olish jarayonlari davom etmoqda”, – deyiladi SEOM ma’lumotnomasida.
Sog‘liqni saqlash vazirligining 21-sentabr soat 23:30 gacha bo‘lgan ma’lumotiga asosan, Farg‘ona viloyatida sentabr oyida 14 kunda yangi kasallanganlar ro‘yxatga olingan. Oy davomida Farg‘onada koronavirusga chalinganlar soni 51 kishiga ko‘paygan. Farg‘onadagi jami kasallanganlar soni 379 nafarni tashkil etmoqda. Bu O‘zbekiston bo‘yicha koronavirusga chalinganlarning 0,72 foiziga teng.
Mavzuga doir:
Izoh (0)