Жиззах вилоятида пора эвазига фуқарони ишга киритиб қўйишни ваъда қилган соғлиқни сақлаш бошқармаси ходими қўлга олинди, дея хабар бермоқда ИИВ.
Маълум қилинишича, Жиззах вилояти соғлиқни сақлаш бошқармаси мутахассиси, Жиззах шаҳри «Учариқ» маҳалласида яшовчи, 1984 йилда туғилган Ш.Т. COVID-19 инфекцияси билан касалланган беморларни саралаш ва даволаш марказига ишга кириш ниятини билдирган Жиззах шаҳридаги хусусий клиникада лаборант бўлиб ишловчи, Шароф Рашидов тумани «Тоқчилик» маҳалла фуқаролар йиғинида яшовчи, 1991 йилда туғилган Ж.Р.дан 2 миллион сўм пора сўраган.
Шундан сўнг Ж.Р. тегишли органга мурожаат қилган. Шу асосда тезкор тадбир уюштирилиб, вилоят соғлиқни сақлаш бошқармасидаги хизмат хонасида 2 миллион сўмни пора сифатида олган Ш.Т. ушланди.
Ҳолат юзасидан тегишли тартибда жиноят иши қўзғатилган.
Изоҳ (0)