АҚШнинг Лас-Вегас шаҳрида UFC Fight Night 178 мусобақаси бўлиб ўтди.
Фото: Zuffa
Мусобақанинг асосий кардида швециялик жангчи Ҳамзат Чимаев ва америкалик Жералд Мершерт ўртасида жанг бўлиб ўтди. Чимаев жангнинг 17-сониясида рақибини нокаутга учратиб, ғалаба эришди.
Шу тариқа Ҳамзат 66 кун ичида учинчи ғалабасига эришиб, UFC рекордини ўрнатди. Бунгача энг яхши натижа Жонни Уокерга тегишли эди. У 105 кун ичида учта жангда ғалаба қозонганди.
Аввалроқ Чимаев 10 кун ичида иккита жанг ўтказган UFC тарихидаги илк жангчига айланганди.
Чимаев — Мершерт ўртасидаги жангни томоша қилинг (видео)
Эслатиб ўтамиз, Чимаев 16 июль куни UFC on ESPN 13 мусобақасида промоушендаги дебютини ўтказди. Унда швециялик спортчи Жонс Филлипсни оғритиш усули билан таслим этди. Шунингдек, UFC Fight Island 3 мусобақасида Ҳамзат Рис Маккини 3 дақиқа ичида нокаутга учратганди.
