UFC. Hamzat Chimayev tajribali raqibini 17 soniyadayoq nokautga uchratdi, Zarruh Adashevni yenggan Tayson Nem navbatdagi raqibini ham nokaut bilan yutdi

Toshkent vaqti bilan 20-sentabr tongida Las-Vegasda UFC Fight Night 178 musobaqasi bo‘lib o‘tmoqda.

Kechaning asosiy janglaridan birida UFC’da super statistika namoyish qilayotgan Hamzat Chimayev (9-0) tajribali Jerald Mirshertga (30-14) qarshi jang qildi. Kelib chiqishi chechenistonlik bo‘lgan jangchi 17-soniyadayoq raqibini chuqur nokaut holatiga solib qo‘ydi.

Bu Chimayev uchun UFC’dagi uchinchi jangda qo‘lga kiritilgan 3-g‘alaba bo‘ldi. Avvalgi ikki jangda ham Chimayev raqiblarini birinchi raunddayoq taslim etgandi.

O‘zbekistonlik yakkakurashchi Zarruh Adashevni 32 soniya ichida mag‘lub etgan Tayson Nem (20-11) mazkur UFC kechasida Jerom Riveraga (9-3) qarshi jang qildi. Jangda katta ustunlikka erishgan Tayson ikkinchi raund avvalida raqibini nokautga uchratdi.

Barcha janglar videosini quyidagi havola orqali tomosha qilish mumkin: HAVOLA