Германия чемпионатининг 1-турида Дортмунднинг «Боруссия»си «Боруссия М»ни 3:0 ҳисобида таслим этди.
Учрашувнинг 35-дақиқасида Жуд Беллингҳемнинг узатмасидан кейин Жовани Рейна ҳисобни очди.
17 ёш-у 82 кунлик Беллингҳем мазкур статистика юритиб келинаётган (2004 йилдан буён) давр ичида голли узатма амалга оширган Бундеслиганинг энг ёш ўйинчисига айланди. Бу Беллингҳем учун Бундеслигадаги дебют учрашув эди.
Таъкидлаш жоиз, гол муаллифи Рейна ҳам 17 ёшда.
Эслатиб ўтамиз, «Боруссия Д» англиялик футболчини ёзги трансферлар вақтида 23 миллион евро эвазига «Бирмингем Сити»дан сотиб олганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)