UFC. Колби Ковингтон Тайрон Вудлидан устун келди, Серроне — Прайс жанги дуранг билан якунланди

Тошкент вақти билан 20 сентябрь тонгида Лас-Вегасда UFC Fight Night 178 мусобақаси бўлиб ўтди.

Мусобақанинг асосий жанги Колби Ковингтон ва Тайрон Вудли ўртасида кечди. Жангда яққол устунлик қилган Ковингтон 5-раундга келиб рақибини таслим этди. Тейкдаунларнинг бирида Вудли оғриқдан бақириб юборди ва шундан кейин жанг тўхтатилди.

Яна бир марказий жанг Дональд Серроне ва Нико Прайс ўртасида кечди. Унда дуранг натижа қайд этилди.

Барча жанглар видеосини қуйидаги ҳавола орқали томоша қилиш мумкин: ҲАВОЛА

Асосий кардда қайд этилган натижалар билан танишинг:

• Колби Ковингтон (16-2) 5-раунддаги техник нокаут эвазига Тайрон Вудли (19-6-1)  мағлуб этди;
• Дональд Серроне (36-15-2) ва Нико Прайс (14-4-1) ўртасидаги жангда дуранг қайд этилди;
• Ҳамзат Чимаев (9-0) 17-сониядаёқ Жералд Миршертни (30-14) нокаутга учратди;
• Жони Уокер (18-5) биринчи раундаги техник нокаут эвазига Райан Спенндан (18-6) устун келди;
• Маккензи Дерн (9-1) 1-раундда оғритиш усулини қўллаб Ранда Маркосни (10-10-1) таслим этди;
• Кевин Ҳолланд (19-5) очколар ҳисобига Даррен Стюартни (13-6) мағлубиятга учратди — 29-28, 28-29, 29-28.