«Манчестер Юнайтед»Англия Премьер Лигаси 2-тури доирасида «Кристал Пэлас»га қарши кечган ўйинда мағлубиятга учради (1:3).
Манчестер клуби 2014/15 йилги мавсумдан кейин илк бор Англия чемпионатидаги дастлабки ўйинда мағлубиятга учради. Шунингдек, «Манчестер Юнайтед» АПЛ жорий қилингандан буён 29 мавсум ичида учинчи марта мавсумнинг илк ўйинида ютқазиб қўйди.
Оле-Гуннар Сульшер шогирдларининг АПЛдаги кетма-кет 14 ўйинлик мағлубиятсиз сериясига (9 ғалаба ва 5 дуранг) ҳам нуқта қўйилди. Жамоа сўнгги бор 22 январда «Бёрнли»га ютқазиб қўйганди (0:2).
Эслатиб ўтамиз, «Манчестер Юнайтед» 1-тур доирасида «Бёрнли»га қарши ўйнаши керак эди. Бироқ мазкур баҳс манкунианларнинг Европа Лигасидаги иштироки сабаб қолдирилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)