Бразилия қирғоғида респиратор ютиб ҳалок бўлган пингвин топилди

Бразилия қирғоғида респиратор ютган ўлик ҳолдаги Магеллан пингвини топилди. Бу ҳақда El Mundo хабар бермоқда.

Encuentran a un pingüino sin vida en el litoral norte de Sao Paulo y en la autopsia localizan una máscara negra modelo N95 en el interior de su estómago. https://t.co/DzuHUFWC7B

— EL MUNDO (@elmundoes) September 17, 2020

Пингвин Сан-Паулу штатининг шимолий қисмидаги Жукеҳи пляжида топилган. Ҳайвоннинг танаси ёриб кўрилганида унинг ошқозонидан 95-моделдаги қора рангли тиббиёт ниқоби топилган.

Маҳаллий олимларнинг фикрига кўра, бу ҳайвоннинг коронавирус пандемияси пайтида ҳамма жойда қўлланила бошланган ҳимоя ниқобини ютиб юбориши оқибатида ҳалок бўлиши билан боғлиқ биринчи ҳолат.

Магеллан пингвинлари Фолкленд оролининг Оловли ерларида яшайди. Совуқ мавсумда улар Бразилия қирғоқларига (Жанубий Америкада ёз фаслига тўғри келади) шимолга кўчиб ўтади.

Халқаро табиатни муҳофаза қилиш иттифоқи Магеллан пингвинларини заиф ҳолатга яқин турувчи тур деб таснифлайди.