Суд хитойлик миллиардер HNA сайёҳлик ва молиявий бирлашмаси раҳбари Чен Феннинг ширкати катта миқдордаги қарздорлиги сабабли ҳашаматли ҳаёт учун пул сарфлашни тақиқлади. Ҳаёт ва иш учун зарур бўлмаган барча харажатлар назорат остида бўлади, деб ёзади The New York Times.
Маълумотларга кўра, Чен Фен биринчи классда учиш, қимматбаҳо курортлар ва меҳмонхонада қолиш ҳуқуқидан фойдалана олмайди. Шунингдек, уйини қимматбаҳо таъмирлашига ҳам йўл қўйилмайди.
Миллиардер катта миқдордаги маблағни сарфлаш учун аввал махсус рухсатномани олиши керак. Бундай жиддий чекловлар қўйилишининг сабаби компания 2020 йил март ойида чиқарилган суд қарорини эътиборсиз қолдирган.
Маълумот учун, икки йил аввал хитойлик аёл Жубаоҳуи (компанияга тегишли) платформаси орқали иккита инвестиция маҳсулотига эга бўлган. Бироқ керакли дивидендларни олмаганидан сўнг у судга мурожаат қилган.
Суднинг қарорига кўра, HNA компанияси хитойлик аёлга қарзни 10 кун ичида фоизлари билан бирга тўлаши керак эди, аммо буни бажармади. Натижада 2020 йил сентябрь ойига қадар HNA 50 минг доллар миқдорида қарздорлиги маълум бўлди.
HNA, бундан ташқари, Hilton меҳмонхоналар тармоғи, Dutsche Bank ва Virgin Australia авиакомпанияси каби нуфузли корхоналарнинг қимматбаҳо кўчмас мулк ва улушларини сотиб олганидан кейин ўн миллиардлаб қарздор компанияга айланди. Улар компаниядаги харидларни олинган қарз маблағлари эвазига амалга оширади. Энди эса катта миқдордаги қарздорлик туфайли HNA ўз активларини сота бошлади.
Ҳаттоки вазият шу қадар оғирлигидан компания ўз ходимларидан ҳам қарз олишга уриниб кўрди.
Изоҳ (0)