АҚШнинг собиқ биринчи хоними Мишель Обама «The Lip Bar» бренди остидаги косметика ҳамда «When We All Vote» нотижорат ташкилоти билан ҳамкорликда лаб бўёғи ишлаб чиқарди. Маҳсулотни харид қилиш учун 2020 йил 14 декабрь куни АҚШда бўлиб ўтадиган президентлик сайловининг сайтида рўйхатдан ўтиш керак.
«Bawse Voter» деб номланган суюқ лаб бўёғи тўқ қизил рангда бўлиб, унинг нархи 15 долларни ташкил этади. Маҳсулот савдосидан тушадиган маблағнинг 40 фоизи сайловчиларнинг фаоллигини ошириш ва ирқдаги фарқни камайтириш устида иш олиб борадиган «When We All Vote» ташкилотига ўтказилади. Шунингдек, лаб бўёғи чекланган миқдорда бўлиб, сотувга фақат 500 нусхада чиқарилган.
Бундан аввал Мишель Обама демократларнинг миллий анжуманида «Bychari» бренди остидаги «Vote» ёзуви туширилган маржон тақиб чиққан эди. Тақинчоқ шу заҳоти оммалашиб, анжуманнинг сўнгги соатларидаёқ Америкада энг кўп изланган сўзга айланди.
Изоҳ (0)