Буюк Британияда автобус йўловчиси транспорт фойдаланувчилари ва ҳайдовчисини ҳайратда қолдиришга муваффақ бўлди. У юзини ҳимоя қиладиган ниқоб ўрнига тирик улкан илондан фойдаланган, деб ёзади Daily Mail.
Воқеага гувоҳ бўлган йўловчининг сўзларига кўра, унга қўшни ўриндиқдаги эркакнинг юзи маҳкам боғлаб олинган шундай даҳшатли ниқобга эгадек туйилган. Яна бирининг айтишига қараганда, улардан ҳеч бири эркакнинг кўринишидан қўрқмаган.
«Аввалига, шундай кулгили ниқоб кийган деб ўйладим, кейин у жониворни тутқичлар бўйлаб юриши учун эркин қўйди. Бу эса автобусдагилар учун жуда қизиқ ҳолат эди», − дейди яна бир британиялик транспорт фойдаланувчиси.
Транспорт компанияси раҳбарларидан бири ҳукуматнинг янги қоидаларида юзни ҳимоя қилиш учун айнан тиббий ниқоб бўлиши шарт эмаслиги, балки йўловчилар уларни ўзи ясаши ёки шарф каби мос матолардан фойдаланиши мумкинлигини таъкидлаган.
Айни дамда коронавирус пандемияси сабаб Буюк Британия жамоат транспортидан фойдаланишда ниқоб тақиш мажбурий ҳисобланади.
Изоҳ (0)